Fujiwara-kyō
Fujiwara-kyō (藤原京, in Japannees ook Fujiwara no miyako), was die Keiserlike hoofstad van Japan vir sestien jaar tussen 694 en 710. Dit was geleë in die Yamato Provinsie, spesifiek die hedendaagse Kashihara in die Nara prefektuur, nadat dit van die nabygeleë Asuka geskuif is.
Uitgrawings wat steeds voort duur het teen 2006 aangetoon dat die stad van so vroeg as 682 begin aanlê is, naby die einde van die Keiser Temmu era.[1] Ná 'n tussenpose as gevolg van Keiser Temmu se dood is bouwerk hervat tydens die bewind van Keiserin Jitō, wat die hoofstad amptelik daarheen gekuif het in 694. Fujiwara-kyō het ook as hoofstad gedien tydens die bewinde van Keiser Mommu, en Keiserin Gemmei. Die skuif van die hoofstad in 710 na die Heijō Paleis in Nara het die aanvang van die Nara-tydperk aangedui.
Fujiwara was Japan se eerste hoofstad waarvan die strate in 'n rooster patroon gegrond op die model van die Sjinese hopofstadstelsel (条坊制 jōbō-sei) uitgelê is. Onlangse uitgrawings en studies dui daarop dat die stad 'n oppervlak van ongeveer 5km x 5km beslaan het, heelwat groter as wat te vore gemeen is.[1][2] Die paleis het 'n erf wat omtrent 1 vierkantmeter groot was beslaan en is deur 5 meter hoë mure omring. Elekeen van die vier mure het drie hekke gehad; Suzakumon (朱雀門, Suzaku-mon), die hoofhek, was in die middel van die suidelike muur geleë. Die Daigokuden (大極殿) en ander paleisgeboue was die eerste paliesstrukture in Japan wat teëldakke in die Sjinese styl gehad het.
Die dorp was te vore die domein van die Nakatomi clan wat namens die keiserlike hof toesig gehou het oor die beoefening van Sjinto-rituele en seremonies. Die stad het in 711 afgebrand, 'n jaar na die skuif na Nara,en is nie herbou nie. Argeologiese uigrawings het in 1934 begin en sommige dele van die paleis is herbou. Byna 10 000 houttablette, wat as mokkan (木簡) bekend staan, met Sjinese skrif daarop is daar aangetref.
Hierdie waka, geskryf deur Keiserin Jitō wat Fujiwara in die somer beskryf is baie bekend:
「春過ぎて夏来るらし白栲の衣乾したり天の香久山」 haru-sugite natsu-kitarurashi shirotae-no koromo-hoshitaru amanokaguyama
Verwysings
wysig- Frederic, Louis (2002). "Japan Encyclopedia." Cambridge, Massachusetts: Harvard University Press.
| Wikimedia Commons bevat media in verband met Fujiwara-kyō. |
- ↑ 1,0 1,1 "National Research Institute for Cultural Properties, Nara" (in Engels). Geargiveer vanaf die oorspronklike op 25 April 2020. Besoek op 10 Maart 2007.
- ↑ "藤原京ルネッサンス" (in Japannees). Geargiveer vanaf die oorspronklike op 1 Augustus 2015. Besoek op 10 Maart 2007.
| Voorafgegaan deur Asuka-kyō |
Hoofstad van Japan 694–710 |
Opgevolg deur Heijō-kyō |