Fulton Allem
Fulton Peter Allem (gebore 15 September 1957) is 'n Suid-Afrikaanse professionele gholfspeler.
| Fulton Allem | |
|---|---|
| Persoonlike inligting | |
| Volle naam | Fulton Peter Allem |
| Gebore | 15 September 1957 Kroonstad, Suid-Afrika |
| Hoogte | 1,80 m |
| Gewig | 98 kg |
| Nasionaliteit |  Suid-Afrika |
| Loopbaan | |
| Professioneel geword | 1976 |
| Huidige toernooie | Kampioenetoer |
| Vorige toernooie | PGA Tour Sonskyntoer |
| Professionele oorwinnings | 15 |
| Hoogste rang | 52 (27 Februarie 1994)[1] |
| Aantal oorwinnings volgens toernooi | |
| PGA-toernooi | 3 |
| Sonskyntoernooi | 11 |
| Ander | 1 |
| Beste uitslae in groot kampioenskappe | |
| Meesterstoernooi | T38: 1994 |
| PGA-kampioenskap | T31: 1993 |
| V.S. Ope | T33: 1994 |
| Britse Ope | T44: 1987, 1991 |
Allem is in Kroonstad in die Oranje-Vrystaat gebore, die middelste van vyf kinders en die kleinseun van 'n Libanese handelaar; hy het 'n bevoorregte opvoeding gehad. Teen die tyd dat hy in die wêreld gekom het, het sy familie die grootste mielieplaas in die Suidelike Halfrond besit en die enigste graansilo's in privaatbesit in Suid-Afrika. Allem begin gholf speel op die ouderdom van 7 met die aanmoediging van sy vader. Gary Player, 'n goeie familievriend, het ook 'n groot invloed op sy vroeë loopbaan gehad.[2]
Allem het nie kollege of universiteit toe gegaan nie, maar professioneel geword in 1976.[3] Hy het in die vroeë deel van sy loopbaan meestal in Suid-Afrika gespeel. Hy het 11 keer die Sonskyntoer tussen 1985 en 1991 gewen, en 'n tweede plek behaal in die 1987 NEC Wêreldreeks van Gholf, wat hom oortuig het om aan te sluit by die PGA Tour. Allem se eerste wen op die PGA-Toer was die 1991 Independent Insurance Agent Ope.
In 1993 wen hy tweekeer op die PGA Tour en eindig negende op die verdienstelys. Hy het die Southwestern Bell Colonial en die NEC World Series of Golf daardie jaar gewen, twee van die Toer se mees gesogte nie-majors.
Sedert sy groot jaar in 1993, is Allem geteister deur 'n magdom van mediese kwale. In 1994, het hy gely aan sy laer rug, in 1998 het hy perikarditis ontwikkel, 'n potensieel dodelike inflammasie van die sak rondom die hart. In 2003 was daar probleme met die werwels in sy servikale ruggraat. Hy het ook verskeie hartaanvalle gehad. Hierdie omstandighede het sy gholfspeeltyd beperk en 'n nadelige invloed op sy spel gehad.
Allem woon in Sentraal-Florida met sy vrou, Jennifer en hul vier kinders. Hy is soms bekend deur die bynaam "Fulty", veral onder die ander Suid-Afrikaanse spelers.[4] Hy het op die "Fore Inventors Only" op "The Golf Channel" verskyn.
Allem het laat in 2007 op die Kampioenetoer begin speel, nadat hy 50 jaar oud geword het.
Verwysings
wysig- ↑ "Week 9 1994 Ending 27 Feb 1994" (pdf). OWGR. Besoek op 22 Oktober 2019.
- ↑ PGA Tour players.
- ↑ "PGA Tour players" (in Engels). Geargiveer vanaf die oorspronklike op 27 September 2011. Besoek op 9 Maart 2017.
- ↑ "Sonskyntoer". Geargiveer vanaf die oorspronklike op 27 September 2011.