Galleria Nazionale dell'Umbria

Galleria Nazionale dell'Umbria
Die Palazzo dei Priori, waar die versameling sedert 1878 gehuisves word.
Openingsjaar	1878
Tipe museum	Kunsmuseum, Historiese ligging
Webtuiste	www.gallerianazionaleumbria.it

Die Galleria Nazionale dell'Umbria (Afrikaans: Nasionale Galery van Umbrië) of die Italiaanse nasionale skilderversameling van Umbrië, word in die Palazzo dei Priori, Perugia, in sentraal-Italië gehuisves. Dit is geleë op die boonste vloere van die Palazzo dei Priori. Die uitstallingspasie beset twee vloere en omvat die grootste versameling van die Umbriese Skilderskool, wat strek vanaf die 13de eeu na die 19de eeu, maar die sterkste verteenwoordig is tydens die 14de tot 16de eeue. Die versameling word in veertig uitstallingkamers in die Palazzo uitgestal.

Geskiedenis

Die oorsprong van die versameling kan gevind word in die middel van die Perugiaanse Accademia del Disegno in die middel van die 16de eeu. Die Akademie was oorspronklik gebaseer in die Convento degli Olivetani by Montemorcino, waar 'n aanvang geneem is met die versameling van skilderye en tekeninge. Die dorp het in 1798 deel geword van die Franse departement van Trasimène; derhalwe is die dorp se godsdienstige huise onderdruk. Hierdie onderdrukking is vanaf die 1860's deur die verenigde Koninkryk van Italië herhaal - albei het veroorsaak dat 'n groot aantal skilderye en kunswerke van die kerk na die staat verskuif is.

In 1863 is die versameling burgerlike skilderye formeel na Pietro Vannucci vernoem, maar die probleem betreffende 'n geskikte terrein vir die versameling is nie tot 1878 opgelos nie, toe dit na die derde verdieping van die Palazzo dei Priori in die middestad verskuif is. Met die toevoeging van verkrygings, skenkings en erflatings, het die pinacoteca in 1918 die Regia Galleria Vannuccigeword onder die beskerming van die koning. Die naam is later verander na Galleria Nazionale dell'Umbria. Oor die jare heen het die kompleks van die Palazzo dei Priori verskeie opknappings en funksionele aanpassings ondergaan. Die museumpaadjie, wat in 2006 in sy huidige vorm ingewy is, beslaan 'n oppervlakte van 4000 vierkante meter op twee verdiepings.

Versamelings

Uit 'n chronologies oogpunt gesien bevat die permanente versameling skilderye en beeldhouwerke van Italiaanse kunstenaars wat uit beide die Renaissance en Middeleeuse tydperke dateer, wat kunstenaars soos Arnolfo di Cambio, Nicola Pisano, Giovanni Pisano, Duccio, Gentile da Fabriano, Fra Angelico, Benozzo Gozzoli, Giovanni Boccati en Piero della Francesca insluit. Besondere aandag word bestee aan die meesters wat uit Umbrië afkomstig is soos Benedetto Bonfigli, Bartolomeo Caporali, Fiorenzo di Lorenzo, Perugino, Pintoricchio, asook hul studente en volgelinge.

'n Vlugtige oorsig van die museum op die amptelike webtuiste lys:

Eerste vloer

• Sale 1-4 13de en 14de eeuse skilderye en beeldhouwerke, insluitende werke van Nicola,Giovanni Pisano en Arnolfo di Cambio
• Sale 5-7 15de eeuse Sienese en Florentynse skilderwerk, insluitende werk van Duccio di Boninsegna
• Sale 8-11 Renaissance meesterstukke: Beato Angelico, Benozzo Gozzoli, Piero della Francesca
• Sale 12-16 15de eeuse Marchigiaanse en Umbriese skilderye, insluitende Benedetto Bonfigli
• Saal 17 Die "Skatkis" - 13de tot 15de eeuse juwele en ivoor
• Saal 18 Sala del Delegato - umbriese tapisserie
• Saal 19 Agostino di Duccio fragmente van beeldhouwerke
• Saal 20 Arti minori (vakmanwerk)
• Saal 21 Cappella dei Priori

Tweede vloer

• Sale 22-26 Renaissance meesterstukke: Perugino, Pintoricchio, en Francesco di Giorgio Martini
• Sale 27–30 Eerste helfte van die 16de eeu - Umbriese skilderkuns
• Sale 31-33 Umbriese Mannerisme
• Sala dell’Orologio
• Sale 33-34 Martinelli-versameling
• Sale 35-37 1500-1600: Klassisisme en Caravaggisti; eetsaal
• Saal 38 18de eeu
• Saal 39 19de eeuse topografie van Perugië
• Saal 40 Luigi Carattoli-versameling

Eksterne skakels

• Galery webtuiste Geargiveer 3 Desember 2019 op Wayback Machine