Gandhara
Gandhara (Pasjtoe: ګندارا; Oerdoe: گندھارا, Nastaliq; Avesties: Vaēkərəta, Sanskrit Puruṣapura; Grieks Caspatyrus) is die antieke naam van die stad en ou koninkryk Pesjawar, wat die Swatriviervallei en die Potohar-plato van Pakistan sowel as die Jalalabad-distrik van die hedendaagse Afganistan ingesluit het. Tydens die Hellenistiese tydperk was die hoofstad Charsadda, maar dit is later, in omstreeks 127, na Pesjawar geskuif. Dit is in Sanskrit bekend as Puruṣapura, letterlik "stad van mans" (van Sanskrit: puruṣa, "man", en pura, "stad").
Die Koninkryk Gandhara het van omstreeks 1500 tot 500 v.C. bestaan. As ’n sentrum van Griekse Boeddhisme, Baktriese Zoroastrisme en Animisme, het Gandhara in die 1ste tot 5de eeu ’n hoogtepunt bereik onder die Koesjiese konings.
Ná die Moslemse verowering in die 10de en 11de eeu het die naam Gandhara verdwyn.
Verwysings
wysig
Hierdie artikel is vertaal uit die Engelse Wikipedia
