Gebbina Dekker
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Gebbina Dekker (14 September 1893 – 31 Mei 1957, Maitland, Kaapstad) was 'n Afrikaanse skrywer. Sy het haar as verpleegster bekwaam.
Skryfwerk wysig
“Sketse van vreugde en leed” is Christelike sketse van haar ervarings as verpleegster. Sy teken die wanhoop van die roekelose wat opstandig veg teen die naderende dood en die blymoedige gelatenheid van die gelowige wat in vrede sterf, terwyl sy deurentyd nie net die liggaam nie, maar ook die siel verpleeg. In die skets “Wat God verenig” bring ’n eenvoudige ou man sy vrou na die hospitaal waar sy langdurige behandeling moet ondergaan. Hy keer terug plaas toe, maar vind die skeiding en eensaamheid so pynlik dat hy haar teen die dokter se advies gou weer kom haal. Sy verweer is dat wat God verenig, die mense nie mag skei nie, waartoe sy vrou beslis instem.
Publikasies wysig
| Jaar | Publikasies |
|---|---|
| 1931 | Sketse van vreugde en leed |
Bronnelys wysig
Boeke wysig
- Dekker, G.: “Afrikaanse Literatuurgeskiedenis”. Nasou Beperk. Kaapstad. Elfde druk. 1970.
- Kannemeyer, J.C.: “Geskiedenis van die Afrikaanse literatuur 1”. Academica, Pretoria en Kaapstad. Tweede druk. 1984.
- Nienaber, P.J. et al: “Perspektief en Profiel”. Afrikaanse Pers-Boekhandel. Johannesburg. Derde hersiene uitgawe. 1969.
- Schoonees, P.C.: “Die prosa van die tweede Afrikaanse beweging”. J.H. de Bussy, Pretoria / H.A.U.M. v/h J. Dusseau & Co, Kaapstad. Derde druk. 1939
- Van Coller, H.P. (red.) “Perspektief en Profiel Deel 2” J.L. van Schaik-Uitgewers. Pretoria. Eerste uitgawe. 1999