Franskraler

Ek en my vrou woon op Franskraal in 'n huis wat my skoonpa gebou het toe daar nog net 'n paar ander huise gestaan het. Die meeste mense wat permanent hier woon, is afgetree, en het dus tyd vir, en 'n behoefte aan, tydrowende stokperdjies. Soos hengel, houtwerk, horlosies regmaak, familiegeskiedenis, en Wikipedia in Afrikaans. Ek doen nie daai eerste drie nie.

Ek weier om aan myself as oud te dink: op RSG moet jy deesdae 90 wees om op 'n Sondagoggend met jou verjaarsdag gelukgewens te word, en dis nog ver.