Josefskleed

Die Suid-Afrikaanse Akademie vir Wetenskap en Kuns het in Augustus hierdie jaar (2022) 'n samewerkingsooreenkoms met die Afrikaanse Wikipedia voltooi waarvolgens die Akademie ondersteunende hulp sal verleen tot die Afrikaanse weergawe van die aanlyn ensiklopedie. In die lig van die Akademie se missie om Afrikaans as wetenskapstaal en die gebruik en gehalte van Afrikaans te bevorder sal die Akademiekantoor ook 'n sigbare tuiste vir die Afrikaanse Wikipedia bied, onder ander vir opleidingsessies vir belangstellendes wat gebruikers wil word.

Die Akademie sal hier op die Afrikaanse Wikipedia sekere administratiewe take uitvoer onder die gebruikersnaam Josefskleed. Die gebruikersnaam behoort aan Sanita Meyer, Skakel-en Bemarkingsbeampte by die Akademie en tans die ankerpersoon vir die Afrikaanse Wikipedia by die Akademiekantoor.

In 'n onderhoud op RSG se program Taaldinge op 21 Augustus, het Deon Steyn onder andere die sawewerkingsooreenkoms met die Akademie bespreek met Ina Stydom. Luister gerus na die potgooi hier: https://www.rsg.co.za/rsg/potgooi-resultaat/?_sf_s=Taaldinge&post_date=20220821