Hallo,

Ek is entoesiasties oor die uitbreiding van Afrikaans as 'n taal vir humanistiese intellektuele gesprekvoering. My belangstelling vir artikels skryf en redigeer is hoofsaaklik beperk tot diverse kultuurgeskiedenis. My Afrikaanse taalgebruik is nie altyd puristies "akkuraat" nie (ongelukkig oorweldig die Inglese dikwels my sintaks), maar ek verwelkom enige redigering van ander Wikipediane wat voorstanders is van gespierde Afrikaans.

My vaardigheid met meer komplekse redigering is nog beperk, en ek gaan loer dikwels hoe die programmering op ander plekke gedoen word sodat ek kan na-aap.

Daar is ongelukkig maande en maande aaneen wat ek nie kans kry vir hierdie ensiklopetiese stokperdjie nie. Hopelik sal ek uiteindelik 'n manier ontdek dat artikelskep en -redigering 'n stabiele deel van my daaglikse roetine word.

My Wikipedia slagspreuk: "Elke druppel help om die emmer vol te maak."

Groete.