Genootskap vir die Handhawing van Afrikaans

Die Genootskap vir die Handhawing van Afrikaans (GHA) is ‘n organisasie wat hul ten doel stel om Afrikaans te handhaaf en te beskerm.

Agtergrond

Die GHA het op 29 Januarie 1994 in die Berea-saal in Pretoria deur dr J Basson, mevrou N Clark, dr G F Marais, mnr J A Marais, dr P Möller, mnr M Peters, mnr J Pretorius, mev N Reinecke, mnr J Stephens, L Strydom, H van de Graaf, dr P van der Dussen, en mnre. P van der Spuy, D Varkevisser en J D Versfeld gestig. Die organisasie was ‘n herlewing van die Genootskap vir die Handhawing van Afrikaans, wat op 26 November 1965 deur doktor Hennie Terblanché gestig is, maar ná sy dood geleidelik doodgeloop het. Die aanvoorwerk vir die stigting van die GHA het reeds teen die middel van 1993 begin.

Nadat besluit is om die GHA te stig, is vergaderings met kort tussenposes daarna gehou om die Genootskap se Grondwet, Manifes en Doelwitverklaring op te stel. Die GHA hou jaarliks ‘n digkompetisie af met ’n verskeidenheid van 11 afdelings/temas.

In November 2023 was die GHA ook een van die stigterslede van die Beyweraars vir die Afrikaanse Wikipedia. Hierdie groep se hoofdoel is om ondersteuning te gee om toe te sien dat die somtotaal van mensekennis op 'n vrye Afrikaanse digitale ensiklopedie beskikbaar sal wees as nalatenskap vir Afrikaanssprekendes nou en in die toekoms.

Bronne

• Genootskap vir die Handhawing van Afrikaans, https://www.afrikaans.org.za/oor-ons/ .Besoek 21 Februarie 2024.

Eksterne skakels

https://www.afrikaans.org.za/ GHA webwerf