Maak hoofkeuseskerm oop

Die Gereformeerde kerk Oshakati was ’n gemeente van die Gereformeerde Kerke in Suidwes-Afrika wat die dorpe Ruacana, Opuwa en Ondangwa asook die hoofdorp, Oshakati, ingesluit het.

Die Gereformeerde kerk Oshakati is in 1988 gestig en het in 1990, toe Suid-Afrika sy troepe aan die onafhanklike Namibië onttrek het, ontbind. Dit het die onderskeiding dat dit die gemeente is met die kortste bestaan in die Gereformeerde Kerke se geskiedenis. Nietemin is in sy kort bestaansgeskiedenis ’n kerk op die hoek van Kanniedood- en Kremetartstraat, Oshakati, gebou. Die enigste predikant, van 1988 tot 1989, was ds. J.L. van der Linde, wat sy hele bediening van 1984 tot 1997 in Suidwes-Afrika/Namibië deurgebring het. Nadat die gemeente ontbind het, is Tsumeb se leraar verantwoordelik vir die bearbeiding van die lidmate in die omgewing van Oshakati.

Die NG Kerk se gemeente Verre-Noord, ook op Oshakati, is in 1970 gestig, later by Tsumeb ingelyf, maar in die 21ste eeu opnuut gestig.

PredikantWysig

  1. Van der Linde, Johannes Lodewicus, 1988-1989

BronneWysig

  • (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Aministratiewe Buro.
  • (af) Vogel, Willem (red.). 2014. Die Almanak van die Gereformeerde Kerke in Suid-Afrika vir die jaar 2015. Potchefstroom: Administratiewe Buro.