Gereformeerde kerk Sanveld

Die Gereformeerde kerk Sanveld is die jongste van die 14 gemeentes in die GKSA se Klassis Etosha, wat uitsluitlik uit Namibiese gemeentes bestaan. Daar is egter altesaam 18 Gereformeerde kerke in dié land, maar vier het afgeskei.

Ds. Jeremia Moletsane word in 2014 deur dr. Callie Opperman as leraar van die Gereformeerde kerk Sanveld bevestig.

Die kerkgebou op Drimiopsis.

Die gemeente is in 2009 gestig as uitvloeisel van die Gereformeerde Kerke se sendingwerk onder die San in die ooste van Namibië. Lidmate kom vir eredienste bymekaar in die Primêre Skool Hippo op die plaas Hippo in die omgewing van Drimiopsis, sowat 40 km noord van Gobabis in die Omahekestreek. Die belydende lidmate het einde 2015 150 getel en die dooplidmate 422 vir ’n sieletal van 572, die grootste Gereformeerde gemeente in Namibië, hoewel vyf gemeentes meer belydende lidmate gehad het.

Predikante

1. Kotzee, Dirk, 2010 – 2012
2. Moletsane, Tshidiso, 2013 – hede

Bronne

• (af) Harris, C.T., Noëth, J.G., Sarkady, N.G., Schutte, F.M. en Van Tonder, J.M. 2010. Van seringboom tot kerkgebou: die argitektoniese erfenis van die Gereformeerde Kerke. Potchefstroom: Administratiewe Buro.
• (af) Vogel, Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.