Germanwings-vlug 9525
Germanwings 9525 (4U9525/GWI18G)[1] was 'n geskeduleerde internasionale passasiersvlug vanaf Barcelona–El Prat-lughawe in Spanje op pad na Düsseldorf in Duitsland, wat deur Germanwings, 'n laekosteredery besit deur Lufthansa, onderneem is. Op 24 Maart 2015 het die vliegtuig, 'n Airbus A320-200, 100 kilometer (62 myl) noordwes van Nice, in die Franse Alpe, neergestort nadat 'n konstante daling begin het een minuut na die laaste roetinekontak met lugverkeerbeheer en kort ná die vliegtuig sy kruishoogte bereik het. Al 144 passasiers en ses bemanningslede is in die ongeluk dood.
| Germanwings-vlug 9525 | |
|---|---|
.jpg) Die verongelukte vliegtuig
| |
| Datum | 24 Maart 2015 |
| Oorsaak | Interne kaping |
| Plek van ramp | Franse Alpe |
| Sterftes | 150 (almal) |
| Beserings | 0 |
| Vliegtuigtipe | Airbus A320-200 |
| Vliegtuigstertnommer | D-AIPX |
| Oorsprong | Barcelona–El Prat-lughawe, Spanje |
| Bestemming | Düsseldorf Internasionale Lughawe, Düsseldorf, Duitsland |
| Passasiers | 144 |
| Bemanning | 6 |
| Oorlewendes | 0 |
Bemanning en oorsaak wysig
Die bevelvoerder, die 34-jarige Kaptein Patrick Sondenheimer, was 'n ervare vlieënier met 10 jaar en 6 000 vlugure agter sy naam. Die onderkaptein was die 27-jarige Eerste offisier Andreas Lubitz. Die ongeluk is doelbewus veroorsaak deur die medevlieënier, Andreas Lubitz, wat voorheen behandel is vir selfmoordneigings en deur sy dokter as "ongeskik vir werk" verklaar is. Lubitz het hierdie inligting weerhou van sy werkgewer en vir diens aangemeld. Tydens die vlug het hy die kaptein uit die kajuit gesluit voor hy 'n skerp daling van die vliegtuig geïnisieer het totdat dit eindelik teen 'n berg vasgevlieg het.
| Nasionaliteit | Aantal |
|---|---|
 Duitsland
|
72 |
 Spanje
|
51 |
 Argentinië
|
3 |
 Kasakstan
|
3 |
.svg){kind=small} Verenigde Koninkryk
|
3 |
 Verenigde State van Amerika
|
3 |
 Australië
|
2 |
| en verskeie minderhede | 17 |
| Totaal | 150 |
Verwysings wysig
- ↑ "Accident to the Airbus A320-211 registered D-AIPX, flight GWI18G, on 24 March 2015" (in Engels). Bureau d'Enquêtes et d'Analyses pour la Sécurité de l'Aviation Civile. 24 Maart 2015. Geargiveer vanaf die oorspronklike op 23 September 2015. Besoek op 26 Maart 2015.
