Gerrit Jacobus van Niekerk
Gerrit Jacobus van Niekerk (ca. 1849—1896) was 'n Boerevrybuiter en enigste president van die Republiek van Stellaland. Hy is omstreeks 1849 naby Fauresmith gebore. Hy vestig hom op die plaas, Kromellenboog, naby die huidige Christiana wat nou die sentrum van 'n besproeiingsskema is. Tydens die stamoorloë tussen Mankoroane en Massouw aan die Wes-Transvaalgrens, het hy 'n geselskap vrywilligers byeengebring om laasgenoemde te ondersteun. Uit dankbaarheid het Massouw hom 'n stuk grond present gegee waarop hy in 1883 die miniatuur-republiek van Stellaland (q.v.) gestig het. Later het hy hoof van die Polisie in Pretoria geword en is in 1896 oorlede.
Bronne
wysig- Rosenthal, Eric (red.). Ensiklopedie van Suidelike Afrika. Londen en New York: Frederick Warne & Kie Bpk.
