Gibeon

Gibeon is 'n dorpie aan die Visrivier in die streek Hardap van Namibië, 177 km nood van Keetmanshoop, 60 km suid van Mariental en 350 km suidoos van Windhoek, die land se hoofstad.

Gibeon
Gibeon se voormalige treinstasie, afgeneem in 2014.
Gibeon
Koördinate: 25°7′28″S 17°45′58″O
Land	Namibië
Streek	Hardap
Kiesafdeling	Gibeon
Hoogte	1 170 m (3 840 ft)

Die Visrivier in die omgewing van Gibeon.

Gibeon se stasie soos dit pryk op 'n poskaart van 1920. Dit het intussen in onbruik verval.

Gibeon is in 1862 gestig as sendingstasie van die Rynse Sendinggenootskap. Nadat dit in 1870 in puin gelê is deur die strydlustige Nama-stam, is dit in 1870 herbou. Die naam is van Bybelse oorsprong (Josua. 10:1, 2: "Koning Adoni-Sedek van Jerusalem het gehoor dat Josua Ai ingeneem en heeltemal vernietig het, dat hy met Ai en sy koning dieselfde gedoen het as wat hy met Jerigo en sy koning gedoen het, en ook dat die inwoners van Gibeon met Israel vrede gemaak het en by hulle woon. Die mense van Jerusalem het baie bang geword, want Gibeon was 'n belangrike stad, soos 'n stad met 'n koning, en groter as Ai, en al sy manne was dapper vegters.")

Met die stigting van die eerste NG gemeente in Suidwes-Afrika in 1898, was Gideon die middelpunt daarvan, maar vandat die setel van dié gemeente na Mariental verskuif het, staan dit bekend as die NG gemeente Mariental.

Bron

• Raper, P.E. 1987. Dictionary of South African Place Names. Johannesburg: Lowry Publishers.

Eksterne skakels

• Wikimedia Commons het meer media in die kategorie Gibeon.