Gipsbord

Gipsbord is 'n boumateriaal wat hoofsaaklik uit gips vervaardig word. Die bord bestaan uit 'n kartonbedekking weerskante met 'n gipskern wat gebruik word vir droëmuur-konstruksie, gewoonlik vir nie-lasdraende binneste verdeelmure van kantoorgeboue en in 'n ander vorm vir die konstruksie van plafonne.

'n Stapel gipsborde

AanwendingWysig

Vanweë verskeie eienskappe soos geringe gewig, eenvoudige en vinnige bewerking en hoë brandweerstand word gipsbord veral gebruik vir die bou van ligte, nie-lasdraende binnemure, dakbekleding of deklae. As gevolg van die lae water- en vogbestandheid van gipsbord, behoort dit slegs binnemuurs aangewend te word.

Binnemure en BekledingWysig

Gipsbord kan gebruik word vir die oprig van nie-lasdraende binnemure, wat later maklik afgebreek of verander kan word. Gipsbord word ook aangewend as 'n droë versiering, waar die gipsbord as bekleding op rou mure met 'n bindmiddel geheg word. Dit word ook benut as bekleding om staal stutbalke en ander sodanige elemente van 'n konstruksie weg te steek. Dit kan dan ook gebruik word om elektriese installasies, loodgieterwerk, kombuistoerusting, ensovoorts te versteek. Openinge vir die uitvoer van onderhoud word in sulke gevalle sterk aanbeveel.

Spesiale AanwendingsWysig

Spesiale gipsborde wat vooraf met spesiale middels behandel is, word gebruik vir vogtige kamers. Vir brandbeskerming word spesiale glasveselversterkte borde gebruik.

Eksterne skakelsWysig