Glenys Lynne
Glenys Lynne Mynott (* 5 Mei 1945) is 'n Suid-Afrikaanse sanger, later deel van Four Jacks and a Jill, wat bekend is vir treffers soos Ramaja, Haai Casinova en Een, twee, drie.[1]
Glenys Lynne | |
|---|---|
| Geboortenaam | Glenys Lynne Mynott |
| Gebore | 5 Mei 1945 Boksburg, Suid-Afrika |
| Genres | Popmusiek |
| Instrumente | Stem |
| Assosiasies | The Zombies, Four Jacks and a Jill |
Lynne het op twaalf begin sing. Haar ma het haar aangespoor en sy het lesse by Al Preston geneem. Op vyftien wen sy 'n landwye talentkompetisie en kort daarna behaal sy 'n tweede plek op LM Radio se Talent Parade. Haar eerste album, Teenage Time, is op sestien vrygestel.
Ná skool sing sy sewe maande lank saam met die Harold Roy Band in Benoni, waarna sy saam met Johnny Kongos en die G-Men deur Suid-Afrika toer. In 1962 speel sy in Gordon Vorster se rolprent, Jy’s lieflik vanaand, waarin sy die liedjie ‘n Bietjie te jonk sing. Haar eerste enkelspeler, Not Because I'm Bad, is in 1963 vrygestel.
In 1964 begin sy saam met The Zombies, Suid-Afrika se eerste rockgroep met lang hare, te sing. Die groep het hul naam later na Four Jacks and a Jill verander.
In die 1970's begin Lynne om Afrikaanse albums op te neem, wat haar gewildheid 'n hupstoot onder 'n wyer deel van die Suid-Afrikaanse bevolking gegee. Sy het ook 'n aantal geestelike albums vrygestel.
Haar grootste sukses was met Ramaja, wat in Julie 1976 op Springbokradio se Top 20-treffersparade gedebuteer het, en vir drie weke in die nommer een-posisie was.
Sien ook
wysigVerwysings
wysig- ↑ History of 4 Jacks and a Jil Geargiveer 28 Januarie 2017 op Wayback Machine, besoek op 29 Desember 2016
Eksterne skakels
wysig- Ramaja op YouTube
- Haai Casinova op YouTube
- Een, twee, drie op YouTube