Govan (['gʌvən]; Skots-Gaelies: Baile a' Ghobhainn) is 'n distrik, parogie en voormalige burgh (selfregerende munisipale entiteit) wat tans deel uitmaak van Glasgow, Skotland. Dit is 2,5 myl (4 km) wes van die middestad teen die suidoewer van die Clyderivier en teenoor die monding van die Kelvinrivier en die distrik Partick geleë. Histories het dit deel uitgemaak van die graafskap Lanark.

Govan

Baile a' Ghobhainn
Stedelike distrik
Govan se raadsaal
Govan se raadsaal
Govan is in Skotland
Govan
Govan
Koördinate: 55°41′51″N 4°18′30″W / 55.69750°N 4.30833°W / 55.69750; -4.30833Koördinate: 55°41′51″N 4°18′30″W / 55.69750°N 4.30833°W / 55.69750; -4.30833
LandVlag van Verenigde Koninkryk Verenigde Koninkryk
LandSkotland
StadsraadStadsraad van Glasgow
Bevolking
 • Totaal5 860 (2 015)
 • Digtheid3 595/km2 (9 310/vk. myl)
TydsoneUTC+0:00 (MGT)
 • SomertydUTC+1:00 (BST)
Poskode
G51
Skakelkodes0141
Belangrike argeologiese vondse soos die Govan-sarkofaag en die Govan-steenmonumente (waaronder die sogenaamde hogbacks) word in Govan se ou parogiekerk vertoon
Naas oorlog- het ook passasierskepe op Govan se werwe ontstaan soos die RMS Empress of Britain (1905)
Govan se skeepswerf. Hier bou BAE SYstems Maritime - Naval Ships skepe vir die Koninklike Britse Vloot

Volgens Middeleeuse legendes het Konstantyn, 'n 7de eeuse koning van Strathclyde, in Govan 'n klooster volgens die reël van die Ierse sendeling Columbanus gestig. Gedurende die Middeleeue het 'n veerboot Govan met Partick verbind om in die seisoenale behoeftes van beesdrywers te voorsien. In die 18de en 19de eeu het tekstielmeule en steenkoolmynbou tot die vernaamste bedrywe gegroei. Hulle is in die vroeë 19de eeu verbygesteek deur skeepsbou.[1]

In 1864 is die status van burgh aan Govan toegeken wat van die nedersetting die vyfde grootste sodanige munisipaliteit in Skotland gemaak het. In 1901 was Govan die sewende grootste nedersetting in Skotland. In 1912 is dit by Glasgow ingesluit.

Geskiedenis wysig

Tot in die 19de eeu was Govan 'n betreklik klein nedersetting met rietdakhuise. Industrialisering en verstedeliking het met die vestiging van 'n skeepsboubedryf in Govan begin, en die inwonertal het van slegs sowat 2 000 teen die begin van die 19de eeu tot 9 000 in 1864 en nagenoeg 60 000 teen die middel van die 1880's gestyg. Een van die nuwe ondernemings, Fairfield Shipbuilding and Engineering Company, of Fairfield's soos dit meestal kortweg genoem is, het tot die grootste skeepswerf ter wêreld gegroei wat 5 000 werkers in diens gehad het. Fairfield's het later met ander werwe saamgesmelt om in 1968 Upper Clyde Shipbuilders te vorm, maar sy kantoorgeboue het as argitektoniese erfenis bewaar gebly en is in kantore omgeskep.

In Govan is tot op hede 'n skeepswerf in bedryf waar BAE Systems Maritime skepe vir die Koninklike Vloot (Royal Navy) bou.

Verwysings wysig

Eksterne skakels wysig

Geskiedenis

Argitektuur

Govan-steenmonumente