Greta Garbo
|
Hierdie artikel bevat nie ’n bronnelys nie, wat beteken dat die inhoud nie geverifieer kan word nie. Enige bevraagtekende inligting mag dus ook mettertyd verwyder word. Help Wikipedia deur betroubare bronne tot die artikel by te voeg. |
Greta Lovisa Gustafsson (* 18 September 1905; † 15 April 1990), beter bekend as Greta Garbo, was 'n beroemde Sweedse aktrise wat gedurende die stomfilmtydperk en die Goue Era van Hollywood een van die bekendste Amerikaanse filmsterre geword het. Die Amerikaanse Filminstituut het Greta Garbo in 1999 vyfde geranglys op sy lys van die 100 grootste vroulike sterre ooit – ná Katharine Hepburn, Bette Davis, Audrey Hepburn en Ingrid Bergman.
| Greta Garbo | |
| |
Greta Garbo (1939)
| |
| Geboortenaam | Greta Lovisa Gustafsson |
|---|---|
| Geboorte | 18 September 1905 Stockholm, Swede |
| Sterfte | 15 April 1990 New York, VSA |
| Nasionaliteit | Sweeds |
| Beroep(e) | Aktrise |
| Webwerf | http://www.gretagarbo.com |
| Toekennings | Academy Honorary Award (1954) |
Garbo het haar loopbaan met 'n hoofrol in die Sweedse rolprent Gösta Berlings saga begin. Haar optrede het die belangstelling van die Amerikaanse rolprentvervaardiger Louis B. Mayer gewek wat haar in 1925 na Hollywood genooi het om vir die ateljee Metro-Goldwyn-Mayer (MGM) te werk. Hier het sy een van die grootste stomfilmsterre geword.
Die invoering van klankfilms het geen afbreuk aan haar sukses gedoen nie – met haar eerste klankrolprent Anna Christie (1930) is sy selfs vir 'n Academy Award ("Oscar") genomineer. MGM se bemarkingslui het die publiek met die freklameleuse "Garbo talks!" ("Garbo praat!") na die filmteaters gelok. In 1932 was Garbo só gewild as aktrise dat sy die terme van haar kontrakte self kon beding en steeds meer kieskeurig oor haar filmrolle geraak het.
Vir haar rol in Anna Karenina is sy met die New York Film Critics Award for Best Actress bekroon, alhoewel sy persoonlik eerder haar optrede as hofdame Marguerite Gautier ("Die dame met die kamelia") in Camille (1936) as haar beste vertolking beskou het. Vir hierdie rol is sy 'n tweede keer vir 'n Academy Award genomineer. Ná 'n reeks dramafilms het sy in Ninotchka (1939) en Two-Faced Woman (1941) haar eerste komiese rolle vertolk. Met Ninotchka het sy 'n verdere Academy Award-nominasie ingepalm, terwyl Two-Faced Woman – ondanks sy kommersiële sukses – negatiewe kommentaar van filmkritici uitgelok het.
Nadat Greta Garbo rolle in 27 rolprente vertolk het, het sy in 1941 afgetree en daarna 'n teruggetrokke lewe gevoer.
Eksterne skakels
wysig
Wikimedia Commons het meer media in die kategorie Greta Garbo.
