Groot-Koerile

Die Groot-Koerile (Russies: Большая Курильская гряда, Bolsjaja Koerilskaja grjada) is deel van die Koerile-argipel in die Stille Oseaan.[1] Dit sluit eilande van die Suid-Koerile soos Itoeroep en Koenasjir in.

Die Groot-Koerile (in rooi aangedui). Daaronder lê die Klein-Koerile.

Aan sy suidwestekant word die Groot-Koerile van die Klein-Koerile geskei deur die Straat van die Suid-Koerile. Die hoogste punt op die Groot-Koerile is 2 339 m (op Atlasof-eiland). Die eilande is altesaam 1 200 km lank. Die totale oppervlakte is 10 100 km2.

Die Groot-Koerile is deel van Sachalin-oblast in Rusland. Itoeroep en Koenasjir is onder Russiese beheer, maar dit word deur Japan betwis.

VerwysingsWysig

  1. "GSE Kurile Islands Sand Lake (Kunashir Island) Fish processing base (Shikotan island) Kurilskie Ostrova". slovari.yandex.ru. Geargiveer vanaf die oorspronklike op 2013-04-24. Besoek op 2020-02-26.

SkakelsWysig