Handley Page Victor
Die Handley Page Victor was 'n Britse bomwerper en het saam met die Avro Vulcan en die Vickers Valiant die sogenaamde V-bomwerpers gevorm. Die prototipe HP80 Victor WB771 het, te Boscombe Down, sy nooiensvlug op 24 Desember 1952 voltooi. Die eerste produksie model is in 1956 voltooi en kon die Mach 1 bereik in klein duikvlugte. Aflewering het in November 1957 aan die Britse Lugmag begin. Bomber Command het hulle operasioneel verklaar in April 1958 met 10 Eskader wat in diens gestel is.
| Handley Page Victor | |
|---|---|
 | |
| Tipe | Bomwerper |
| Vervaardiger | Handley Page |
| Ontwerp deur | Reginald Stafford |
| Nooiensvlug | 24 Desember 1952 |
| Onttrek | 1993 |
| Status | Uit diens gestel |
| Hoofgebruiker | Britse Lugmag |
| Aantal gebou | 86 |
Die tweede groep wat afgelewer is het 'n groter houer gehad in die agterkant om tru waarskuwing radar te huisves. Die motors was verbeter en diè modelle is B.1A genoem. Die Victor was nou 'n kernwapen bomwerper en deel van die V-bomwerpers. Met 'n bomvrag van 15,890 kg kon dit baie groter bomme dra as die Vulcan en Valiant.
Die Mk.2 is toegerus met die nog beter Rolls-Royce Conway motors; die vlerkbasis en luginlate moes aangepas word daarvoor. Die vlerke was ook langer, die agterkant van die romp was weer vergroot en die elektriese stelsel ook verbeter. Die eerste B.2 het in Februarie 1959 gevlieg. Soos die B.2's afgelewer is die B.1 en B.1A's omgeskakel na tenker hervul vliegtuie. Die eerste omgeskakelde Victor het 28 April 1965 gevlieg.
Soos die Sowjetunie se verdediging verbeter het moes al die V-bomwerpers hulle strategie verander het om steeds hul rol as afskrikmiddel te kan vertolk. Die B.2's het oorgeskakel na lae-hoogte, hoë-spoed bomwerpers en het ook begin om die Blue Steel kernkrag missiel te dra. Die laaste B.2 was voltooi in April 1963. Dit is ook die jaar wat die Victor's na Singapoer geskuif het om as afskrikmiddel te dien teen Indonesië, wat die Britse Protektoraat van Maleisië bedreig het.
Nege B.2's is verander na verkennings vliegtuie, model B(SR).2, met kameras en verwante toerusting wat in die bomrak geinstalleer is. Die standaard Victor het as 'n kernwapen bomwerper tot 1975 die diens verrig. Vanaf Mei 1974 is die oorskot Victor's omgeskakel na K.2 tenkers en in diens gebly tot 1988.
Operasionele diens
wysigDie Victor het aan die Falklandoorlog deelgeneem in 1982 as 'n tenker. Die lang bombarderings missie van die Avro Vulcan's in die oorlog was slegs moontlik met die elf Victor-tenkers wat die bomwerpers en hul selfs kon hervul invlug. Ook tydens die oorlog het Victor XH675 'n 11,263 km, 14-uur verkenningstog uit gevoer toe dit feitlik die hele suid Atlantiese Oseaan met radar gedek het.
In die Golfoorlog van 1991 het agt Victor tenker vliegtuie van beide Amerika en Brittanje hervul. Hulle het 299 missies gevlieg tydens die oorlog.
Die Victor was finaal onttrek van diens op 15 Oktober 1993.
Tegniese besonderhede
wysig| Item | Statistiek |
|---|---|
| Aantal motors | 4 |
| Tipe motor | Straalmotor |
| Vervaardiger | Rolls-Royce Conway turbowaaier |
| Kraglewering per motor | 9 352 kg stukrag |
| Vlerkspan | 36,57 m |
| Lengte | 35,03 m |
| Hoogte | 8,57 m |
| Vlerkoppervlakte | 241,3 m2 |
| Maks. opstygmassa | 101 242 kg |
| Maks. snelheid | 1 038 km/h |
| Operasionele hoogte | 18 300 m |
| Togafstand | 7 400 km |
| Klimvermoë | Onbekend |
| Bewapening | 15 890 kg konvensionele bomme of een Blue Steel missiel |
Bron
wysig- Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9