Hawthornden
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Hawthornden is 'n besonder groot dubbelverdiepinghuis waarvan die geskiedenis terug dateer tot sover as 1683. Dit is geleë in Herschel Walk in Wynberg (Kaapstad) en grens aan die terrein van die Hoër Seunskool Wynberg.
Die huis is gebou in die Victoriaanse styl. Die versierde plafonne en mure en die meubels is in die Victoriaans-Edwardiaanse styl met 'n sterk Italiaanse invloed.
In 1891 het die mynmagnaat sir J.B. Robinson die huis en landgoed gekoop en daar gewoon tot sy dood. Hy het die huis vergroot en opgeknap. Later is dit deur sy oudste dogter Ida Labia en haar man bewoon. Die huis met sy unieke versameling laat-Victoriaanse skilderye en beeldhoukuns en twee antieke motors is in 1976 deur Robinson se kleinseun, graaf Natale Labia, as 'n museum aan die Kaapse regering geskenk. Op die terrein is die grafkelder van die Robinson- en Labia-families.
Die huis en die oorblywende deel van die landgoed is tot gedenkwaardigheid verklaar. Omdat dit 'n private woning is, is dit nie vry toeganklik nie.
Bibliografie
wysig- Fransen, Hans: A guide to the old buildings of the Cape. A survey of extant architecture from before c1910 in the area of Cape Town, Calvinia, Colesberg, Uitenhage. Kaapstad: Jonathan Ball, 2004. ISBN 1-86842-191-0