Heather Clark (1972-) is ’n Suid-Afrikaanse branderplankryer. Sy wen die Hawaiïese Drievoudige Kroon in 2001 die was teen die einde van 2003 3de op die wêreldranglys vir vroulike branderplankryers. In 2009 en 2010 wen sy die goue medalje by die Wêreldmeesterbranderplank-kampioenskap en in 2011 kom sy tweede in dié kompetisie.[1]

Heather Clark
Gebore11 Junie 1972
NasionaliteitSuid-Afrika
BeroepBranderplankryer
Bekend virWêreldkampioen

In 2001 verskyn sy in 'n dokumentêre film oor vroulike branderplankryers, genaamd 7 Girls. Die dokumentêr volg Layne Beachley, Serena Brooke, Heather Clark, Megan Abubo, Rochelle Ballard, Keala Kennelly en Sofia Mulanovich rondom die Stille Oseaan terwyl hulle Hawaii, Fidji, Tahiti en Indonesië besoek. Die 40 minuut lange program handel oor hulle entoesiasme vir die sport, sin vir humor en hul respek vir die natuur.[2]

Sy is op 22 Oktober 2009 ernstig beseer toe 'n dronk bestuurder haar motorvoertuig tref, maar kon haar sportloopbaan die opeenvolgende jaar voortsit.[3]

Posisie op wêreldranglys wysig

  • 2006: 13de (afgegradeer tydens die kwalifiserende reeks)
  • 2005: 15de (geplaas tydens die kwalifiserende reeks)
  • 2004: 12de (geplaas tydens die kwalifiserende reeks)
  • 2003:   3de
  • 2002:   6de
  • 2001:   5de
  • 2000:   7de

Verwysings wysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "7 Girls (2001)". The Surf Network (in Engels). 9 Julie 2009. Geargiveer vanaf die oorspronklike op 3 Oktober 2018.
  3. "Heather Clark struck by drunk driver, needs your help". ESPN Action Sports (in Engels). 24 Oktober 2009. Geargiveer vanaf die oorspronklike op 6 Maart 2016.