Heikki Kovalainen

Heikki Johannes Kovalainen (Finse uitspraak: [ˈheikki ˈkoʋɑlɑinen]; gebore 19 Oktober 1981) is 'n Finse renjaer. Hy het tussen 2007 en 2013 aan Formule Een deelgeneem vir die Renault-, McLaren-, Team Lotus en Lotus F1-spanne.

Heikki Kovalainen
Kovalainen tydens die 2012 Britse Grand Prix
Kovalainen tydens die 2012 Britse Grand Prix
Geboortedatum 19 Oktober 1981 (1981-10-19) (42 jaar oud)
Geboorteplek Suomussalmi, Finland
Nasionaliteit Vlag van Finland Fin
Aktiewe jare 2007–2013
Inskrywings 112 (111 wegspronge)
Kampioenskappe 0
Oorwinnings 1
Podiums 4
Loopbaanpunte 105
Voorste wegspronge 1
Vinnigste rondtes 2
Eerste F1-wedren 2007 Australiese Grand Prix
Eerste wen 2008 Hongaarse Grand Prix
Laaste wen 2008 Hongaarse Grand Prix
Laaste inskrywing 2013 Brasiliaanse Grand Prix

Hy is vroeg in sy renloopbaan deur die Renault-bestuurderontwikkelingsprogram ondersteun, waartydens hy die "Wêreldreeks deur Nissan"-kampioenskap gewen het. Renault het hom as 'n voltydse Formule Eentoetsbestuurder geteken vir 2006, en daarna bevorder tot 'n wedrensitplek vir 2007. Hy het sy eerste podiumplek behaal met 'n tweede plek in die Japannese Grand Prix daardie jaar.

Hy skuif na McLaren vir die 2008-seisoen, waar Lewis Hamilton sy spanmaat was. Sy tweede seisoen het hom sy eerste voorwegspringplek op Silverstone besorg en sy eerste oorwinning op die Hungaroring. Hy bly hierna by die span vir die 2009-seisoen.

In 2010 sluit hy aan by die nuutgeskepte Span Lotus waar hy ook aanbly vir 2011 en 2012, met die span herdoop tot Caterham F1 vir 2012. 2012 was sy laaste volle seisoen in Formule Een. Kovalainen het in die laaste twee wedrenne van die 2013-seisoen vir Lotus F1 meegeding as plaasvervanger vir die gereelde bestuurder Kimi Räikkönen.

In 2015 het Kovalainen na Japan verhuis om in die Super GT mee te ding in die GT500-klas.

Hierdie artikel is in sy geheel of gedeeltelik vanuit die Engelse Wikipedia vertaal.