Caterham F1-span

Die Caterham F1-span was 'n Maleisiese Formule Eenspan wat tussen 2012 en 2014 aktief was. In 2010 en 2011 ding die span mee in Formule 1 onder die naam Lotus, opgerig deur Tony Fernandes.

Geskiedenis wysig

Voor die aanvang van die 2012-seisoen blyk dit, soos in die voorafgaande twee seisoene onder die Lotus-naam, of die jaers Heikki Kovalainen en Jarno Trulli vir die span sou verskyn. Op 17 Februarie 2012 word egter berig dat Trulli vervang word deur die Rus Vitaly Petrov, wat beteken dat daar vir die eerste keer sedert 1970 geen Italianer in F1 sou jaag nie. Die Nederlander Giedo van der Garde word vir die 2012-seisoen aangestel as die toets- en reserwebestuurder van die span.

In Januarie 2012 word bevestig dat die span sou verhuis na die Leafield Technical Centre, die voormalige hoofkwartier van die Arrows en Super Aguri F1 Formule 1-spanne.

Die span behaal geen punte in die 2012-kampioenskap nie, maar nadat Petrov in die laaste ren van die seisoen in die 11de plek eindig, is die span 10de in die vervaardigerskampioenskap. Dié 11de plek was ook die beste uitslag in 'n Grand Prix sedert die ontstaan van die span in 2010.

2014-seisoen wysig

In 2014 jaag die span met Kamui Kobayashi, wie na Formule 1 terugkeer, en die debutant Marcus Ericsson, waartydens Robin Frijns en Alexander Rossi as toetsbestuurders aan sommige Vrydagoefeninge mag deelneem. Die seisoen begin sleg: in Australië val albei jaers uit. Spaneienaar Fernandes waarsku die span dat hy sou onttrek as die span se prestasies nie verbeter in 2014 nie. 'n Groot terugslag was die negende plek van Marussia-jaer Jules Bianchi tydens die Monaco Grand Prix, waardeur Caterham weer die houtlepel (laaste plek) in die vervaardigerskampioenskap ontvang.

Op 2 Julie 2014 word bekend gemaak dat Fernandes die span verkoop het aan beleggers uit Switserland en die Midde-Ooste, onder leiding van Colin Kolles. Kolles stel die voormalige Formule 1-renjaer Christijan Albers aan as spanhoof.

Na afloop van die 2014-seisoen word Caterham en Marussia, wat ook finansiële probleme gehad het, opgeneem in die beginlys van 2015. Op 5 Februarie 2015 word dit egter bekend dat verskeie eiendomme van die span op 11 Maart, enkele dae voor die begin van die Formule 1-seisoen, opgeveil gaan word. Hierna lyk 'n terugkeer van die span onwaarskynlik. Op 27 Februarie word die amptelike deelnemerlys bekendgemaak, waarop Caterham nie meer verskyn nie.

Uitslae wysig

Kleur Uitslag
Goud Wenner
Silwer 2e plek
Brons 3e plek
Groen Voltooi, verdien punte
Blou Voltooi, geen punte
Pers Nie voltooi (DNF)
Nie geklassifiseer (NC)
Rooi Nie gekwalifiseer (DNQ)
Swart Gediskwalifiseer (DSQ)
Wit Nie begin (DNS)
Leeg Nie deelgeneem
Uitgesluit (EX)
P Voorste wegspringplek
V Vinnigste rondte
Jaar Onderstel Enjin Bande Bestuurders 1 2 3 4 5 6 7 8 9 10 11 12 13 14 15 16 17 18 19 20 Punte Plek
2012 CT01 Renault RS27-2012 2.4 V8 P AUS
 
MAL
 
CHN
 
BHR
 
ESP
 
MON
 
KAN
 
EUR
 
GBR
 
GER
 
HON
 
BEL
 
ITA
 
SIN
 
JPN
 
KOR
 
IND
 
ABU
 
VSA
 
BRA
 
0 10de
  Heikki Kovalainen DNF 18 23 17 16 13 18 14 17 19 17 17 14 15 15 17 18 13 18 14
  Vitaly Petrov DNF 16 18 16 17 DNF 19 13 DNS 16 19 14 15 19 17 16 17 16 17 11
2013 CT03 Renault RS27-2013 2.4 V8 P AUS
 
MAL
 
CHN
 
BHR
 
ESP
 
MON
 
KAN
 
GBR
 
GER
 
HON
 
BEL
 
ITA
 
SIN
 
KOR
 
JPN
 
IND
 
ABU
 
VSA
 
BRA
 
0 11de
  Charles Pic 16 14 16 17 17 DNF 18 15 17 15 DNF 17 19 14 18 DNF 19 20 DNF
  Giedo
v.d. Garde
18 15 18 21 DNF 15 DNF 18 18 14 16 18 16 15 DNF DNF 18 19 18
2014 CT05 Renault Energy F1-2014 1.6 V6 turbo P AUS
 
MAL
 
BHR
 
CHN
 
ESP
 
MON
 
KAN
 
AUT
 
GBR
 
GER
 
HON
 
BEL
 
ITA
 
SIN
 
JPN
 
RUS
 
VSA
 
BRA
 
ABU
 
0 11de
  Marcus Ericsson DNF 14 DNF 20 20 11 DNF 18 DNF 18 DNF 17 19 15 17 19
  Kamui Kobayashi DNF 13 15 18 DNF 13 DNF 16 15 16 DNF 17 DNS 19 DNF DNF
  André Lotterer DNF
  Will Stevens 17