Maak hoofkeuseskerm oop
WPF1logo.png

Die 2013 Formule Een Kanadese Grand Prix is op 9 Junie 2013 op die Gilles Villeneuve-renbaan in Montreal, Kanada gehou. Dit was die sewende wedren van die kampioenskapseisoen en is deur Sebastian Vettel in sy Red Bull-Renault gewen.

KwalifiseringWysig

Die voorste wegspringplek het aan Red Bullrenjaer Sebastian Vettel behoort, sy derde vir die jaar.[1] Die Mercedes van Lewis Hamilton staan langs hom op die eerste ry. Valtteri Bottas het vir 'n verrassing gesorg deur in sy debuutseisoen sy Williams in die derde plek te plaas, wel vóór die Mercedes van Nico Rosberg en die Red Bull van Mark Webber. Fernando Alonso kwalifiseer vir Ferrari in die sesde plek, net voor die Toro Rosso van Jean-Éric Vergne wat met 'n sewende plek sy beste kwalifisering ooit behaal het. Adrian Sutil se Force India is in die agtste plek en die top 10 word deur die Lotus van Kimi Räikkönen en die Toro Rosso van Daniel Ricciardo voltooi.

Felipe Massa se ongeluk in sy Ferrari het die enigste rooi vlag van kwalifisering tot gevolg gehad. Slegs twee minute voor die einde van die 2de sessie bots hy sywaarts in die bandstapel van draai 3. Dit was die derde keer in twee weke dat Massa betrokke is by 'n eensydige botsing.[2] As gevolg hiervan staan die ander motors drie rye agtermekaar en wag dat die baan weer oopgestel word. Räikkönen en Ricciardo is hiervoor gestraf omdat hulle volgens die wedrenbeheer nie korrek opgestel het nie. Beide bestuurders is twee plekke teruggeskuif op die rooster en spring daarna vanaf die tiende en elfde posisie weg.[3]

Ook Lotus-renjaer Romain Grosjean is tien plekke gestraf weens 'n fout in die vorige wedren, die Grand Prix Formule 1 van Monaco.[4] Hy het by die tonnel se uitgang sy rempunt gemis en agter in die motor van Daniel Ricciardo vasgejaag.

Pos No Renjaer Vervaardiger K1 K2 K3 Rooster
1 1   Sebastian Vettel Red Bull Racing-Renault 1:22.318 1:28.166 1:25.425 1
2 10   Lewis Hamilton Mercedes 1:23.801 1:27.649 1:25.512 2
3 17   Valtteri Bottas Williams-Renault 1:23.446 1:28.419 1:25.897 3
4 9   Nico Rosberg Mercedes 1:23.840 1:28.420 1:26.008 4
5 2   Mark Webber Red Bull Racing-Renault 1:23.247 1:28.145 1:26.208 5
6 3   Fernando Alonso Ferrari 1:23.224 1:28.788 1:26.504 6
7 18   Jean-Éric Vergne Scuderia Toro Rosso-Ferrari 1:24.159 1:28.527 1:26.543 7
8 15   Adrian Sutil Force India-Mercedes 1:24.551 1:28.799 1:27.348 8
9 7   Kimi Räikkönen Lotus-Renault 1:24.451 1:28.667 1:27.432 10[3]
10 19   Daniel Ricciardo Toro Rosso-Ferrari 1:24.770 1:29.359 1:27.946 11[3]
11 11   Nico Hülkenberg Sauber-Ferrari 1:23.899 1:29.435 9
12 6   Sergio Pérez McLaren-Mercedes 1:24.176 1:29.761 12
13 16   Pastor Maldonado Williams-Renault 1:24.776 1:29.917 13
14 5   Jenson Button McLaren-Mercedes 1:24.021 1:30.068 14
15 12   Esteban Gutiérrez Sauber-Ferrari 1:24.408 1:30.315 15
16 4   Felipe Massa Ferrari 1:23.735 1:30.354 16
17 14   Paul di Resta Force India-Mercedes 1:24.908 17
18 20   Charles Pic Caterham-Renault 1:25.626 18
19 8   Romain Grosjean Lotus-Renault 1:25.716 22[4]
20 22   Jules Bianchi Marussia-Cosworth 1:26.508 19
21 23   Max Chilton Marussia-Cosworth 1:27.062 20
22 21   Giedo van der Garde Caterham-Renault 1:27.110 21
107% tyd: 1:28.080

RenuitslagWysig

Ná hy voor kon wegspring, wen Sebastian Vettel ook die wedren, sy derde oorwinning van die seisoen.[5] Fernando Alonso was tweede deur in die slotfase Lewis Hamilton in te haal. Hamilton eindig derde met Webber en Rosberg in die vierde en vyfde plekke. Jean-Éric Vergne behaal met 'n sesde plek sy beste uitslag ooit in 'n Formule 1-wedren, en Paul di Resta het danksy goeie strategie sewende geëindig nadat hy in die sewentiende plek weggespring het. Kimi Räikkönen eindig negende, sy 24ste wedren opeenvolgend in die punte, en ewenaar daarmee Michael Schumacher se rekord. Die laaste punt behoort aan Adrian Sutil, wat tydens die wedren met 'n deurry gestraf is, nadat hy die blou vlae geïgnoreer het.

Pos No Bestuurder Span Rondtes Tyd Rooster Punte
1 1   Sebastian Vettel Red Bull-Renault 70 1:32:09.143 1 25
2 3   Fernando Alonso Ferrari 70 +14.408 6 18
3 10   Lewis Hamilton Mercedes 70 +15.942 2 15
4 2   Mark Webber Red Bull-Renault 70 +25.731 5 12
5 9   Nico Rosberg Mercedes 70 +1:09.725 4 10
6 18   Jean-Éric Vergne Scuderia Toro Rosso-Ferrari 69 +1 rondte 7 8
7 14   Paul di Resta Force India-Mercedes 69 +1 rondte 17 6
8 4   Felipe Massa Ferrari 69 +1 rondte 16 4
9 7   Kimi Räikkönen Lotus-Renault 6 +1 rondte 10 2
10 15   Adrian Sutil Force India-Mercedes 69 +1 rondte 8 1
11 6   Sergio Pérez McLaren-Mercedes 69 +1 rondte 12
12 5   Jenson Button McLaren-Mercedes 69 +1 rondte 14
13 8   Romain Grosjean Lotus-Renault 69 +1 rondte 22
14 17   Valtteri Bottas Williams-Renault 69 +1 rondte 3
15 19   Daniel Ricciardo Scuderia Toro Rosso-Ferrari 68 +2 rondtes 11
16 16   Pastor Maldonado Williams-Renault 68 +2 rondtes 13
17 22   Jules Bianchi Marussia-Cosworth 68 +2 rondtes 20
18 20   Charles Pic Caterham-Renault 67 +3 rondtes 18
19 23   Max Chilton Marussia-Cosworth 67 +3 rondtes 20
20 12   Esteban Gutiérrez Sauber-Ferrari 63 Ongeluk 15
DNF 11   Nico Hülkenberg Sauber-Ferrari 45 Ongelukskade 9
DNF 21   Giedo van der Garde Caterham-Renault 43 Ongeluk 21

VerwysingsWysig