Henri Young
Henri Theodore Young (gebore op 20 Junie 20 1911, verdwyn in 1972) was 'n Amerikaanse veroordeelde bankrower en moordenaar.[2] Hy was bekend daarvoor dat hy aggressief was wanneer hy gyselaars geneem het.[3]
| Henri Young | ||
| ||
| Gebore | 20 Junie 1911 | |
| Oorlede | Onbekend | |
| Verdwyning | 1972 (op 60-61 jaar) | |
| Ander name | Henri Theodore Young[1] (geboortenaam) | |
| Misdaadbesonderhede | ||
| Misdaad | Manslag, bankroof | |
| Vonnisbesonderhede | ||
| Status | Onder parool verdwyn | |
Terwyl hy een van 'n reeks tronkstrawwe uitgedien het, het Young in 1939 saam met vier ander gevangenes probeer om van Alcatraz te ontsnap.[4] Twee van hulle is geskiet en een, Arthur "Doc" Barker, is aan sy wonde dood.[5][4] Die ander is dadelik gevang. Twee mans, Young en Rufus McCain, is vir drie jaar tot eensame opsluiting gevonnis. Elf dae nadat Young in 1942 weer in die algemene tronk opgeneem is, het hy McCain vermoor.
Geen motief vir die moord is ooit bekend gemaak nie. Young se verdediging het Alcatraz en die tronkstelsel die skuld gegee,[6] en dit het gelei tot vrae oor hoe die gevangenis bestuur word. In 1948 is Young van Alcatraz oorgeplaas na die mediese sentrum vir federale gevangenes in Springfield, Missouri. Nadat hy sy federale tronkstraf uitgedien het, is hy na die Washington-staatsgevangenis in Walla Walla gestuur om lewenslange tronkstraf vir 'n moord in 1933 uit te dien.
Nadat Young uit Walla Walla ontslaan is, het hy in 1972 onder parool verdwyn. Dit is onbekend wat van hom geword het.[3] Young is as 'n fiktiewe karakter met dieselfde naam uitgebeeld in die rolprent Murder in the First (1995), waarin hy deur Kevin Bacon vertolk word.
Verwysings
wysig- ↑ Wallechinsky, David; Wallace, Irving (1 Januarie 1975). The People's Almanac (in Engels). Doubleday. ISBN 978-0-385-04186-7.
- ↑ "Henri Young". www.alcatrazhistory.com. Besoek op 13 Desember 2019.
- ↑ 3,0 3,1 "Henri Young: Murder in the First and the U.S. Penitentiary Alcatraz". Alcatrazhistory.com. 1 Mei 1941. Geargiveer vanaf die oorspronklike op 26 April 2015. Besoek op 9 April 2015.
"Statement of James V. Bennett, Director, Federal Bureau of Prisons
- ↑ 4,0 4,1 "BOP: Alcatraz". Bop.gov. Besoek op 10 April 2015.
- ↑ "Alcatraz History, p. 3: Winds of Change". Alcatrazhistory.com. Besoek op 9 April 2015.
- ↑ Alvin D. Hyman (16 April 1941). "Young On Trial In Alcatraz Killing: Psychological Defense Revealed; Young Lawyers Quiz Jurymen". San Francisco Examiner. p. 20. Geargiveer vanaf die oorspronklike op 24 September 2015. Besoek op 9 April 2015.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
