Hewel

'n Hewel of sifon (Engels = "Siphon") is 'n sisteem waar vloeistof van 'n hoër na 'n laer vlak vloei deur 'n pyp wat 'n buig maak wat hoër is as die vlak van die hoogste vlak water.

'n Tipiese toepassing van 'n hewel is wanneer petrol uit 'n petroltenk gesuig word. Indien die pyp bloot in die petroltenk gesteek word en die ander punt in 'n drom, laer as die vlak in die petroltenk, sal daar nie 'n vloei wees nie. As 'n mens egter eers aan die pyp suig totdat die petrol uitkom of eers die pyp heeltemal met vloeistof vul, dan vorm 'n hewel en dan kan vloeistof d.m.v. gravitasie vloei van die hoër punt na die laer punt.

'n Tipiese konfigurasie van 'n opkoker saam met 'n distillasie kolom. Die vloeistof in die buise van die hitteruiler is minder dig omdat dit uit 'n mengsel van vloeistof en gas bestaan. Daarom sal daar 'n natuurlike neiging wees vir die vloeistof in die kolom om die mengsel in die hitteruiler op te druk a.g.v. die digtheidsverskil.

In 'n termiese hewel is daar 'n natuurlike vloei van vloeistof a.g.v. temperatuurdigtheidsverskille: koue vloeistof vloei van bo na onder en warm vloeistof van onder na bo. Voorbeelde van termiese hewels is:

• Stoomketels (in kragstasies)
• Songeisers waar die tenk bo die panele op die dak gemonteer is
• Opkokers (Engels = "reboilers")

Kyk ook

• Opkoker

Eksterne skakels

• Wikiwoordeboek het 'n inskrywing vir hewel.