High School Musical
High School Musical is 'n Emmy-bekroonde Amerikaanse televisierolprent en die eerste aflewering in die High School Musical-rolprentreeks. Met sy vrystelling op 20 Januarie 2006 het dit die suksesvolste rolprent wat Disney Channel Original Movie (DCOM) ooit vervaardig het, geword.[2][3] High School Musical 2 was die televisieopvolg in 2007 en High School Musical 3: Senior Year was 'n speelfilm wat in Oktober 2008 in teaters begin draai het. High School Musical is die eerste DCOM-rolprent wat 'n silwerdoekopvolg gehad het. High School Musical 4: East Meets West is die vierde aflewering in die reeks en het in 2010 op die Disney Channel gedebuteer.[4] Die rolprent se klankbaan was die topverkoperalbum in die Verenigde State in 2006.[5]
| High School Musical | |
|---|---|
| Regisseur | Kenny Ortega |
| Produksieleier | Don Schain |
| Draaiboek | Peter Barsocchini |
| Met | Zac Efron Vanessa Hudgens Ashley Tisdale Corbin Bleu Lucas Grabeel Monique Coleman |
| Musiek deur | Greg Cham Ray Cham Andy Dodd Faye Greenberg Jamie Houston David Lawrence Adam Watts Matthew Gerrard Drew Lane Eddie Galan Drew Seeley |
| Kinematografie | Gordon Lonsdale |
| Redigeerder | Seth Flaum |
| Verspreider | Disney Channel, Family |
| Uitgereik | 20 Januarie 2006 |
| Speeltyd | 97 minute |
| Land | Verenigde State van Amerika |
| Taal | Engels |
| Begroting | $4 200 000[1] |
| Opgevolg deur | High School Musical 2 |
High School Musical het 7,7 miljoen kykers met sy première-uitsending in die VSA in 2006 gehad, wat dit die mees gekykde rolprent van die Disney Channel vir daardie jaar gemaak het.[6] In die Verenigde Koninkryk het die prent 789 000 kykers vir die première gelok (en 1,2 miljoen in totaal vir die openingsweek) wat dit die tweede mees gekykde program vir die Disney Channel (UK) vir 2006 gemaak het. Op 29 Desember 2006 het dit die eerste Disney Channel Original Movie geword om deur die BBC uitgesaai te word. High School Musical is wêreldwyd deur 225 miljoen mense gekyk.[7]
High School Musical, se storielyn wat deur die outeur en talle kritici as 'n moderne aanpassing van Romeo & Juliet beskryf word,[8] handel oor twee hoërskooljuniors van mededingende klieks: Troy Bolton (Zac Efron), kaptein van die basketbalspan, en Gabriella Montez (Vanessa Hudgens), 'n pragtige en skaam oorplaasstudent wat uitstekend in wiskunde en natuurwetenskap vaar.[9] Saam probeer hulle die hoofrolle in die skool se musiekblyspel losslaan en sodoende word die skool verdeel. Ten spyte van ander studente se pogings om hul drome van waarwording te keer, weerstaan Troy en Gabriella groepsdruk en mededinging en inspireer hulle ander om nie "by die status quo te hou" nie.
High School Musical is by East High School in Salt Lake City, Utah (VSA), die ouditorium van Murray High School, ook in Utah, en die middestad van Salt Lake City verfilm. Murray High School was ook die stel van talle ander Disney-produksies: Take Down (1978), Read It and Weep (2006), Minutemen (2008)[10] en High School Musical: Get in the Picture (2008).[11]
Verwysings
wysig- ↑ Disney hits high note with the tweenagers - Industry sectors - Times Online
- ↑ Nielsens-range vir 29 Januarie tot 3 Februarie - USATODAY.com
- ↑ High School Musical 101 (Slideshow) - FamilyEducation.com
- ↑ Hetrick, Adam (9 April 2008). "Bet On It: Disney Plans Fourth "High School Musical"". Playbill (in Engels). Geargiveer vanaf die oorspronklike op 28 April 2009. Besoek op 10 April 2008.
- ↑ Market Data for 2006 | LinuxElectrons
- ↑ http://www.usatoday.com/life/television/news/2007-08-09-high-school-musical2_N.htm
- ↑ "DisneyChannelFacts" (PDF). Disney Channel. Geargiveer vanaf die oorspronklike (PDF) op 31 Julie 2009. Besoek op 13 Junie 2009.
- ↑ Disney scores kid points with 'High School Musical'; Nerdy "Romeo and Juliet" a hit for Disney - Reuters 5/22/06 - MiceChat Geargiveer 16 Julie 2011 op Wayback Machine; Talkin' Broadway Regional News & Reviews - "High School Musical on Tour" - 8/4/07; DVD Review: High School Musical (Two-Disc Remix Edition) - DVD Geargiveer 13 Maart 2008 op Wayback Machine; What Is 'High School Musical,' Anyway? - News Story | Music, Celebrity, Artist News | MTV NewsGeargiveer 7 Maart 2008 op Wayback Machine
- ↑ 'High School Musical 2' debuts Friday as Disney's pop-culture phenomenon fuels a cottage industry;Bloomberg.com: Exclusive;High School Musical plants its upbeat message onstage - CBC Arts | Theatre
- ↑ "Deseret Morning News | Disney moment for Murray, Highland". Geargiveer vanaf die oorspronklike op 20 Julie 2008. Besoek op 12 Desember 2009.
- ↑ ksl.com - ‘High School Musical' reality show wraps up filming
Eksterne skakels
wysig- Amptelike webwerf Geargiveer 15 Oktober 2006 op Wayback Machine (en)
- Internetrolprentdatabasis-profiel (en)
- Allmovie-profiel (en)
- TV.com-profiel Geargiveer 7 Februarie 2009 op Wayback Machine (en)
