Hippokampus (maan)

Hippokampus is 'n maan van Neptunus. Die maan is ongeveer 18 kilometer in deursnee en draai om Neptunus in 0,9362 dae. Die baan van Hippokampus is tussen die bane van Larissa en Proteus. Die maan is in 2013 deur Mark Robert Showalter, 'n navorser aan die SETI-instituut, ontdek. Hy het hiervoor 150 foto's van die Neptunus-stelsel wat van 2004 tot 2009 deur die Hubble-ruimteteleskoop geneem is, gebruik. Net soos die ander mane van Neptunus, is Hippokampus na 'n Griekse watergod vernoem; die tydelike naam was S/2004 N 1.

Die mane van Neptunus en hulle bane. Die baan van Hippokampus word in rooi aangedui.