Hlumelo Biko
Hlumelo Biko (1978-) is ’n Suid-Afrikaanse sakeman en beleggingsbankier, en skrywer van The Great African Society. Hy is die seun van Steve Biko en Mamphela Ramphele.[1]
Hlumelo Biko | |
|---|---|
 | |
| Gebore | Januarie 1978 |
| Nasionaliteit | Suid-Afrika |
| Beroep | Bankier, sakeman |
| Ouer(s) | Steve Biko Mamphela Ramphele |
Beknopte biografie
wysigHlumelo Biko is in Januarie 1978 gebore. Sy ma was vyf maande swanger toe sy verneem dat Steve Biko, met wie sy 'n verhouding gehad het, in polisie-aanhouding oorlede is. Sy het hom "Hlumel" genoem, wat in Xhosa die "loot van 'n boom" beteken.[2]
Biko het 'n B.A. in Geskiedenis en Politiek aan die Universiteit van Kaapstad, en 'n Meesters in Internasionale Sake- en Regeringsverhoudings van Georgetown Universiteit verwerf.[3] In 1998 het hy vir die Wêreldbank in Washington, DC gewerk.
Biko en Ramphele het die beleggingsmaatskappy Circle Capital in 2005 gestig.[4] Biko was die hoof uitvoerende beampte van Circle Capital.[5] In 2008 noem Bespoke Magazine hom "die dryfkrag agter 'n multi-miljoen Rand se swart bemagtigingsmaatskappy... een van Suid-Afrika se mees boeiende bemagtigingvoertuie".[3]
Biko is 'n uitvoerende voorsitter van 'n kapitaalgroei-georiënteerde beleggingfirma, genaamd Spinnaker Growth Partners. Voor dit het hy 'n suksesvolle waagkapitaalmaatskappy, genaamd Circle Capital Ventures bestuur, wat R100 miljoen oor 8 jaar in 8 transaksies belê het, en 'n opbrengs van R1,6 miljard gelewer het.
Hy is ook 'n toegewyde filantroop wat ontluikende klein en medium besighede ondersteun, en as die vise-voorsitter van die Baxter-teater dien.
Verwysings
wysig- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Daley, Suzanne (13 April 1997). "The Standards Bearer". The New York Times (in Engels). New York. Geargiveer vanaf die oorspronklike op 21 November 2018.
- ↑ 3,0 3,1 Willis, Mike. "Bespoke People: Man of Change"[dooie skakel], Bespoke, Beirut, Julie 2008.
- ↑ Bridge, Sherilee. Trailblazers: South Africa's champions of change. Cape Town: Double Storey, 2007.
- ↑ "Circle Capital Executive Team". circlecapital.co.za. Geargiveer vanaf die oorspronklike op 14 April 2010. Besoek op 24 Mei 2010.