Hoërskool Hercules

Hoërskool Hercules is 'n Afrikaanse hoërskool wat op die hoek van Jennings- en Ribbensstraat in Daspoort, Pretoria geleë is. Die skoolhoof is mnr JJ Enslin.

Hoërskool Hercules
Leuse	GROEI
Gestig	1941
Tipe	Staatskool
Hoof	Mnr. JJ Enslin
Adjunkhoof(de)	Mnr. W Beneke
Grade	8-12
Adres	Daspoort
Stad	Pretoria
Provinsie	Gauteng
Land	Suid-Afrika
Kleure	Groen

Geskiedenis

Die skool is in 1941 gestig as Hercules Junior Hoërskool. Die skool open die daaropvolgende jaar in Januarie 1942 met 186 leerlinge. Die eerste skoolhoof was Mnr. S. Kruger (1942–1961) en die skool se leuse was: "Vas vat, dit moet"

Verskeie veranderings word in 1953 aangebring, onder andere:

• Die skool se leuse word verander na: “GROEI” (vir Geregtigheid, Regverdigheid, Opregtheid, Eerlikheid, Integriteit). Die leuse is afkomstig uit die Bybel, Psalm 92 vers 6.
• Die skoolwapen verander met die nuwe leuse asook die naam "Hoërskool Hercules".
• Die skooluniform is groen.
• Die skoollied, geskryf deur Mnr. C.J. Lamprecht, word in gebruik geneem.

Na die stigting van Hoërskool Hercules, is Hoërskool Tuine en Hoër Tegniese Skool Tuine gestig.

Die skoollied

Die skoollied, soos deur Mnr. C.J. Lamprecht geskryf:

Aan die weste van ons hoofstad, In die Moot se wye weë. Wyd omsoom deur berg en rante, Spreukend van ‘n lang verleë. Staan ons skool die Hercules Hoër, Roem van skole, bron van lig In ons werk en sport en strewe, Is Sy eer ons eerste plig. Blymoedig in ons werk, Sing ons vrolik dag na dag. Bly in arbeid altyd sterk, GROEI ons wagwoord en ons krag.

Eksterne skakels

• Leerlinge van Hoërskool Hercules Geargiveer 24 Januarie 2010 op Wayback Machine