Hoërskool Vorentoe is 'n hoërskool in Rossmore, Johannesburg. Die skool is in Studentelaan, naby die Universiteit van Johannesburg se Kingsway-kampus geleë. Die skool is veral bekend vir die Westdenedam-ramp, wat 42 leerders se lewe op 27 Maart 1985 geëis het.

Hoërskool Vorentoe
Gestig 17 Januarie 1938
Tipe Staatskool
Grade 8-12
Medium Engels
Adres Studentelaan, Rossmore
Stad Johannesburg
Provinsie Gauteng
Land Suid-Afrika
Kleure               
Webblad vories.co.za

GeskiedenisWysig

Die skool is op 17 Januarie 1938 as die Rossmore Junior Hoërskool geopen. Die idee vir 'n junior hoërskool was nuut in Suid-Afrika, 'n formaat wat van die V.S.A. oorgeneem is.

Oorspronklik is slegs 'n hoofgebou opgerig. Sommige klaskamers het nie eens lessenaars gehad nie en leerlinge moes op die vloer sit. Die invloei van leerders van ander skole was só groot, dat sommige kinders na hulle oorspronklike skole teruggestuur moes word.

Die pad, Brooklands Laan (tans Akademieweg) het destyds reg voor die skool verbygeloop. Die geraas van die voertuie het egter onderrig bemoeilik. Die terrein was steil, klipperig en nie vir georganiseerde sport geskik nie. Die terrein is geleidelik opgevul en later kon bogrond ingery word. Die skool se seuns het ingespring en self die kikoejoegras geplant. Daarna kon sportvelde ontwikkel word. Dit was egter 'n paar keer van hulle ontneem, totdat RAU en die skool grond uitgeruil het, wat die skool met die huidige sportvelde gelaat het.

Op 16 Januarie 1951 het die skool amptelik 'n hoërskool geword en die leerders het tot 600 toegeneem. Nuwe klaskamers moes vinnig gebou word. Die nuwe skoolwapen is ook gedurende dié tyd ontwerp. Die skool se eerste matrieks het hulle eindeksamen in 1953 afgelê.

Die naam, Hoërskool Vorentoe, is later na 'n voorgestel van die adjunkhoof, mnr C.A. van der Walt, aangeneem. In 1994 is dit na 'n parallel-medium skool verander, waarna die naam na Hoërskool Vorentoe High School gewysig is.

Eksterne skakelsWysig

Koördinate: 26°11′13″S 27°59′35″O / 26.18694°S 27.99306°O / -26.18694; 27.99306