Honda CBR600RR
Die Honda CBR600RR is 'n 599 cc sportmotorfiets, deel van die CBR-reeks wat bemark word deur Honda sedert 2003 as 'n resiesweergawe van Honda se CBR600F-reeks. Dit het reeds elke Supersport Wêreldkampioenskaptitel van 2002 tot 2008 gewen, en weer in 2010 en 2014.
 | |
| Tipe en oorsprong | |
|---|---|
| Vervaardiger | Honda |
| Produksie | Sedert 2003 |
| Voorganger | Honda CBR600F4i |
| Klas | Sportfiets |
| Verwante modelle | Honda CBR1000RR Honda RC211V Honda RC212V |
2003-2004 wysig
Die CBR600RR is in 2003 vrygestel as 'n alternatiewe renreplika vir Honda se meer straatgeoriënteerde 600-klassportfiets, die CBR600F4i.[1] Dit is gebasseerd op tegnologie wat reeds in die Honda RC211V MotoGP-fiets gebruik was, en het 'n soortgelyke beeld gehad.
2005-2006 wysig
2007-2008 wysig
Op 6 September 2006 het dit aan die lig gekom dat Honda 'n heelnuwe CBR600RR vir die 2007-modeljaar beplan.[2]
Massabesparing was die primêre fokuspunt van die herontwerp. Die resultaat was 'n 9,1 kilogram (20 lb) vermindering in massa teenoor die 2006-model.
Gekombineerde ABS prototipe wysig
Op 9 Junie 2008 het Honda aangekondig dat die CBR600RR-prototipe met 'n heelnuwe remstelsel ("Gekombineerde ABS") wat geïntegreerd en gekombineerd rem, asook 'n sluitweer-remstelsel, en elektroniese remstelsels toegerus sal wees.[3] Gekombineerde ABS gebruik 'n rekenaarbeheereenheid om te verseker dat die korrekte balans tussen die voor- en agterem gebruik word en ook beheer neem oor wanneer die ABS betrokke moet raak.[4] Die stelsel is ontwerp om so onopsigtelik as moontlik te funksioneer, deur die uitstel van die betrokkenheid van die ABS tot op die laaste moontlike oomblik. Gekombineerde ABS was egter nie beskikbaar op die 2008-produksie-CBR600RR nie.[5][6]
2013–2016 wysig
Volgens Motor Cycle News het 'n naamlose Japannese bron by Honda gesê dat CBR600RR-verkope in Europa en Brittanje gestaak gaan word aan die einde van die 2016-model jaar, as gevolg van die herontwerpkoste wat nodig is om te voldoen aan Euro4-uitlaatgasregulasies, wat in werking tree op 1 Januarie 2017.[7] Die verkope van die 2017-modeljaar CBR600RRs in ander markte is onaangeraak.[8]
Rensport wysig
In die Supersport Wêreldkampioenskap, het die CBR600 agt van die twaalf titels verower sedert sy bekendstelling in 2003, terwyl dit ook tien vervaardigerskrone aan Honda besorg het sedert 2003 (korrek soos in 2015). Michael Dunlop hou die supersportrondterekord by die Isle of Man TT.
Verwysings wysig
- ↑ Cameron, Kevin (Desember 2002), "Red Rocks! 2003 Honda CBR600RR", Cycle World: 28–29
- ↑ 2007 Model Preview Geargiveer 18 September 2006 op Wayback Machine op die amptelike "Honda Motorcycles" webblad
- ↑ "Combined ABS by world.honda.com" (in Engels). Geargiveer vanaf die oorspronklike op 20 Julie 2016. Besoek op 28 Januarie 2017.
- ↑ Blain, Loz (10 Junie 2008). "Honda announces 'brake by wire' supersport motorcycle" (in Engels). Geargiveer vanaf die oorspronklike op 27 Julie 2016. Besoek op 22 Februarie 2014.
- ↑ "Honda Introduces Combo ABS for Supersports" (in Engels). Geargiveer vanaf die oorspronklike op 10 Desember 2014.
- ↑ 2008 Honda CBR600RR se ABS-prototipe.
- ↑ Downes, Andy (29 Junie 2016), "Honda CBR600RR is no more", Motor Cycle News, http://www.motorcyclenews.com/news/2016/june/honda-cbr600rr-killed-off/
- ↑ Susvirkar, Suvil (30 Junie 2016), Honda CBR600RR to be discontinued from the European markets, may not have a successor, http://www.motoroids.com/news/honda-cbr600rr-to-be-discontinued-from-the-european-markets-may-not-have-a-successor/