Honoratus Maynier
Honoratus Christiaan David Maynier (oorlede omstreeks 1837) was landdros en resident-kommissaris in die Kaapkolonie.
Hy is in 1789 aangestel as sekretaris van die landdros op Graaff-Reinet en volg Woeke in Mei 1793 op as landdros van daardie drosdy. In 1795 bring koloniste klagtes teen hom in omdat hy glo net halfslagtig teen die Xhosas opgetree het. Hy word gedwing om die distrik te verlaat toe Adriaan van Jaarsveld en andere die kortstondige republiek van Graaff-Reinet uitvaardig. Op Kersdag 1799 word hy benoem tot resident-kommissaris van die distrikte Swellendam en Graaff-Reinet, maar die goewerneur, genl. Francis Dundas, roep hom twee jaar later terug, waarna 'n kommissie klagtes teen hom ondersoek. In 1802 word die klagtes teen hom ongegrond verklaar en hy ontvang vergoeding vir al sy verliese. Hy is omstreeks 1837 oorlede.
Bronne
wysig- Albertyn, dr. C.F. (red.), 1972. Afrikaanse Kinderensiklopedie. Kaapstad: Nasionale Boekhandel Beperk.