Howard Benson Timmins
Howard Benson Timmins (1904 – ) was 'n Suid-Afrikaanse uitgewer. Hy is op 16 Junie 1904 in Kimberley gebore. Hy ontvang sy opleiding daar en ook in Engeland. Na praktiese opleiding van vyf jaar by die Londense uitgewersmaatskappy, George Allen & Unwin Ltd. keer hy na Suid-Afrika terug as uitgewersverteenwoordiger en in 1944 begin hy met sy eie uitgewery: Howard Timmins & Co.. As gevolg van sy inisiatief het hy 'n groot afsetgebied geskep vir Suid-Afrikaanse skrywers van geskiedenis, biografie, reisverhale, kuns ens waarvan die verkope etlike miljoene eksemplare beloop.
