Maak hoofkeuseskerm oop
Howard Rheingold

Howard Rheingold (gebore 7 Julie 1947) is 'n Amerikaanse kritikus, skrywer en opvoeder, bekend vir sy kennis oor die kulturele, sosiale en politieke implikasies van moderne kommunikasie media soos die internet, selfone en virtuele gemeenskappe ('n term wat hy gekrediteer word as uitvinder).

BiografieWysig

Rheingold is in Phoenix, Arizona gebore. Hy het van 1964 tot 1968 die Reed College in Portland, Oregon, bygewoon. Sy senior proefskrif was getiteld "What Life Can Compare with This? Sitting Alone at the Window, I Watch the Flowers Bloom, the Leaves Fall, the Seasons Come and Go."[1]

'n Lewenslange fassinasie met verstandvergroting en sy metodes het Rheingold na die Institute of Noetic Sciences en Xerox PARC gelei. Daar het hy gewerk en geskryf oor die vroegste persoonlike rekenaars. Dit het gelei tot die skryf van Tools for Thought in 1985, 'n geskiedenis van die mense agter die persoonlike rekenaar. Rondom daardie tyd het hy die eerste keer by The WELL aangemeld - 'n invloedryke vroeë aanlyn gemeenskap. Hy het die ervaring in sy boek, The Virtual Community, ondersoek.

Ook in 1985, was Rheingold medeouteur van Out of the Inner Circle: A Hacker's Guide to Computer Security met die voormalige kuberkraker Bill Landreth. In 1991 het hy Virtual Reality: Exploring the Brave New Technologies of Artificial Experience and Interactive Worlds from Cyberspace to Teledildonics, gepubliseer.

Na 'n tyd van redigeering van die Whole Earth Review, het Rheingold as hoofredakteur van die Millennium Whole Earth Catalogus gedien. Kort daarna is hy aangestel as hoofredakteur van HotWired, een van die eerste kommersiële inhoudwebwerwe wat in 1994 deur Wired-tydskrif gepubliseer is. Rheingold het HotWired verlaat en het in 1996 Electric Minds gestig om die groei van die gemeenskap aanlyn te boekstaaf en te bevorder. Ten spyte van toekennings, is die webwerf in 1997 verkoop en teruggeskaal.

 
Howard Rheingold in 2007

In 1998 het hy sy volgende virtuele gemeenskap, Brainstorms, 'n privaat suksesvolle webkonferensie-gemeenskap vir kundige, intellektuele, burgerlike en toekomstige denkende volwassenes van regoor die wêreld geskep.

In 2002 het Rheingold Smart Mobs gepubliseer, wat die potensiaal vir tegnologie ondersoek om kollektiewe intelligensie te versterk. Kort daarna het Rheingold, in samewerking met die Institute for the Future, 'n poging aangewend om 'n breë geletterdheid van samewerking te ontwikkel. In 2008 het Rheingold die eerste navorsingsgenoot geword by die Institute for the Future, waarby hy lankal geaffilieer was.[2]

Rheingold is 'n besoekende dosent aan die Stanford Universiteit se Departement Kommunikasie, waar hy twee kursusse, "Digitale Joernalisme" en "Virtuele Gemeenskappe en Sosiale Media" onderrig.[3][4] Hy is ook 'n dosent aan U.C. Berkeley se Skool vir Inligting waar hy "Virtuele Gemeenskappe en Sosiale Media" doseer en waar hy voorheen "Deelnemende Media / Kollektiewe Aksie" gedoseer het.[5] Hy is ook 'n gereelde bydraer tot die DMLcentral webjoernaal oor onderwerpe wat wissel van nuwe media geletterdheid tot die leer van innovasie.

Rheingold woon in Mill Valley, Kalifornië, met sy vrou Judy en dogter Mamie. In 'n inskrywing op sy video webjoernaal gee hy 'n toer van die omskepte motorhuis wat 'n "droomkantoor" geword het en 'n "eksternalisering van [sy] verstand" waar Rheingold inligting opneem, skryf en kuns skep.[6] Hy het die essay Participative Pedagogy for a Literacy of Literacies bygedra tot die Freesouls-boekprojek.[7]

Geselekteerde bibliografieWysig

Talking Tech: A conversational Guide to Science and Technology, met Howard Levine (1982)

Higher Creativity:Liberating the Unconscious for Breakthrough Insight, met Willis Harman (1984)

Tools for Thought: The History and Future of Mind-Expanding Technology, (verniet in HTML formaat) (1985)

Out of the Inner Circle, met Bill Landreth (1985)

They Have a Word for It: A Lighthearted Lexicon of Untranslatable Words & Phrases (1988)

The Cognitive Connection: Thought and Language in Man and Machine, met Howard Levine (1987)

Excursions to the Far Side of the Mind (1988)

Exploring the World of Lucid Dreaming, met Stephen LaBerge (1990)

Virtual Reality (1991)

The Virtual Community: Homesteading on the Electronic Frontier, (free in HTML form) (1993) ISBN 0-201-60870-7

Millennium Whole Earth Catalog: Access to Tools and Ideas for the Twenty-First Century (1995)

The Heart of the WELL (1998)

The Virtual Community: Homesteading on the Electronic Frontier, (2000 herdruk met nuwe materiaal) ISBN 0-262-68121-8

• Rheingold, Howard (2002). Smart Mobs: The Next Social Revolution. Basic Books.

• Rheingold, Howard (2012). Net Smart: How to Thrive Online. The MIT Press. ISBN 0-262-01745-8.

• Rheingold, H. (2012). Mind amplifier: Can our digital tools make us smarter? New York, NY: TED Books.

BronWysig

  • Hierdie artikel is vertaal vanuit die Engelse Wikipedia

VerwysingsWysig

  1. Wolf, Gary. "What It Is, Is Up To Us". Reed College.
  2. "Howard Rheingold is First IFTF Research Fellow". www.iftf.org. Geargiveer vanaf die oorspronklike op 2008-12-02. Besoek op 2009-08-11.
  3. "Faculty: Howard Rheingold". www.stanford.edu. Besoek op 2009-08-11.
  4. "Graduate courses in Communications". www.stanford.edu. Geargiveer vanaf die oorspronklike op 2008-09-16. Besoek op 2009-08-11.
  5. "Howard Rheingold – School of Information". www.ischool.berkeley.edu. Besoek op 2009-08-11.
  6. "Howard Rheingold's Vlog". vlog.rheingold.com. Besoek op 2009-08-11.
  7. Participative Pedagogy for a Literacy of Literacies, Howard Rheingold