Huisinhoudsversekering

Hierdie artikel moet skoongemaak of andersins verbeter word. Probleem: Die artikel bevat geen inleiding of kategorieë volgens Wikipedia-riglyne nie Hierdie artikel voldoen nie tans aan die hoë gehaltestandaarde waarna Wikipedia streef nie. Voel vry om self in te spring en verbeterings te maak, en verwyder hierdie kennisgewing ná die tyd. Vir meer hulp, sien die redigeringshulp. Daar is moontlik kommentaar in die artikel of op die besprekingsblad oor wat verbeter moet word. Hierdie kennisgewing is op 15 Oktober 2019 hier geplaas.

NOTA: Daar word voorgestel dat die artikels korttermynversekeringspolis en korttermynversekeringspolis Algemene Bepalings eers gelees word, anders mag daar terme opduik wat u moontlik nie sal verstaan nie.

Versekerde gevare

Dit word ook risiko's genoem. Die mensdom word gedurig deur gebeurlikhede en handelinge bedreig wat skade mag veroorsaak. 'n Persoon (die versekerde) beskou dan sy situasie as onseker of daar skade gaan plaasvind en verder hoe groot die skade mag wees. Hierdie moontlikheid van skade word dan 'n gevaar of risiko genoem. Nie alle gevare word gedek nie, net dié wat spesifiek genoem word. By huisinhoudsversekering is die volgende gevare gewoonlik gedek:

1. Brand, weerlig, ontploffingstorm, wind, water, hael of sneeu, met uitsluiting van verlies of skade weens 'n aardbewing;
2. vallende bome of botsing teen die gebou deur voertuie, diere, lugvaartuie of ander lugtoestelle of enigiets wat daarvan afval;
3. ineenstorting of brekasie van antennastelsels (insluitende satellietskottels);
4. diefstal of poging daartoe; Die diefstal of poging daartoe hoef nie gepaard te gaan met in- of uitbraak nie, tensy: u gebou of 'n gedeelte daarvan uitgeleen, verhuur of onderverhuur word, moet dit gepaard gaan met in- of uitbraak. Indien daar in- of uitbraak in 'n buitegebou is, dan is daar gewoonlik ook dekking, maar dit word beperk.
5. lekkasie van olie uit olieverwarmers;
6. kwaadwillige saakbeskadiging.

Wat word gedek?

Huishoudelike goedere en persoonlike besittings word gedek. Vaste uitrusting en toebehore (bv. wasbakke, matte of lugreëling) wat aan die versekerde behoort of waarvoor hy verantwoordelik is, word nie gedek nie. Indien u die eienaar is, moet u dit onder aparte geboueversekering laat dek.

Sommige versekeraars sluit kantoor- en tuisnywerheidstoerusting in wat die versekerde in sy privaathoedanigheid besit.

Soos u mag weet kan u net u eie goed of dit waarvoor u verantwoordelik is, verseker. U sal later opmerk dat goed wat aan 'n besoeker van u behoort, asook u bediende/s se goed in 'n mate verseker is.

Waar word dit gedek?

Nie alleen is u goed verseker in die gebou van u huis of woonstel nie, maar sekere dekking bestaan ook vir goedere buite die huis.

U geniet dekking vir al die gevare by die volgende plekke:

1. binne 'n gebou waar u tydelik inwoon;
2. indien u dit vir veilge bewaring ingegee het by 'n hotel, losieshuis, klub, bank, veilge bewaringsloket of meubelbewaarplek wat geregistreer is vir die berging van goedere;
3. waar dit tydelike binne 'n woongedeelte van 'n bewoonde privaathuis of -woonstel is;
4. waar dit binne die gebou van 'n besigheid is om gemaak, verander, opgeknap, herstel, skoongemaak of gekleur te word. Let egter daarop dat indien dit gesteel is, moet daar in- of uitbraak bewys kan word;
5. waar dit binne 'n gebou is van enige kantoor, besigheid of handelsinstansie waar u werk.
6. waar die inhoud vervoer word of elders gehou word as hierbo genoem, is dit slegs teen brand, weerlig en ontploffing gedek;
7. terwyl u permanent verhuis of waar goedere van of na 'n bank, bewaringskluis of meubelbewaarplek wat as sodanig geregistreer is vervoer word, is dit gedek teen diefstal;
8. indien goedere uit 'n onbewaakte voertuig gesteel word wat nie gesluit was nie, is daar geen dekking nie.

Addisionele dekking

Meeste versekeraars dek ook die volgende:

• Persoonlike besittings van u gaste of voltydse huishoudelike werknemers, terwyl binne u geboue:
• Geld is gewoonlik gedek maar die bedrag is beperk;
• Vervanging van sleutels en slotte na 'n inbraak;
• Inhoud van 'n ys- of vrieskas wat bederf het, geniet gewoonlik beperkte dekking, a.g.v. temperatuurveranderings:
• Toevallige brekasie van spieëls of glasblaaie van meubels asook oondglas:
• Bergingskoste vir inhoud na skade - die dekking is ook gewoonlik beperk;
• Huurgeld betaalbaar indien u woning onbewoonbaar word weens 'n versekerde gevaar - dit is gewoonlik ook beperk;
• Redelike koste gehef deur 'n gemagdigde instansie om verdere skade aan inhoud te voorkom of te verminder;
• Beperkte mediese uitgawes wat nie andersins gedek is nie vir toevallige liggaamlike besering opgedoen deur:
  • enige besering aan enige persoon veroorsaak deur 'n dier van u;
  • 'n gas of besoeker wat direk beseer word weens 'n defek in die geboue of perseel;
  • huishoudelike werkers wat in hul diens beseer word;
• Beperkte vergoeding vir u of u gade se dood indien julle binne 90 dae sterf weens 'n besering opgedoen in u geboue deur brand of diefstal;
• Beperkte traumabehandeling deur 'n sielkundige benodig vir 'n brand of diefstal wat plaasgevind het in die geboue;
• Beperkte veeartskoste vir beserings aan u huisdiere wat hulle opgedoen het in 'n padongeluk;
• Aangesien meeste mense meer goedere in hulle huise het gedurende die feesseisoen, word die bedrag gewoonlik outomaties verhoog gedurende daardie tyd;
• Indiensneming van sekuriteitswagte word gedek om u eiendom te beskerm na 'n versekerde voorval plaasgevind het - die dekking is beperk.

Opsionele dekking

U kan die volgende addisionele dekking bekom deur 'n ekstra premie te betaal:

• Verlies van of skade aan voorraad wat u aanhou vir die bedryf van 'n tuisnywerhed wat u vanaf u perseel bedryf;
• Toevallige skade aan inhoud terwyl dit binne u geboue op u perseel is. Daar is verskeie uitsluitings waarop u moet let;
• Verlies van of skade aan inhoud wat verooraak is deur insakking of grondverskuiwing.