Hulp:Wikipedia: Die Verlore Handleiding/Meer oor hierdie boek

Hulp:Wikipedia: Die Verlore Handleiding (Bespreek)

Titelblad en lisensiëringsinligting Inligting oor die outeur en uitgewer GNU Vrye Dokumentlisensie Meer oor hierdie boek Inleiding Deel I: Die skepping, wysiging en instandhouding van artikels Hoofstuk 1: Jou eerste wysigings Hoofstuk 2: Dokumenteer jou bronne Hoofstuk 3: Instelling van jou rekening en persoonlike werkarea Hoofstuk 4: Die skep van 'n nuwe artikel Wie het wat gedoen: Bladsygeskiedenis en terugrolling Hoofstuk 6: Monitor veranderings Hoofstuk 7: Wat om met vandalisme en ander rommel te doen Deel II: Samewerking met ander gebruikers Hoofstuk 8: Kommunikeer met jou medebydraers Hoofstuk 9: Wiki-projekte en ander groeppogings Hoofstuk 10: Bylê van inhoudsgeskille Hoofstuk 11:Hoe om onbeleefdheid en persoonlike aanvalle te hanteer Hoofstuk 12: Gee ander bydraers 'n hand Deel III: Formatering en illustrering van artikels Hoofstuk 13: Artikelafdelings en inhoudsopgawes Hoofstuk 14: Die skepping van lyste en tabelle Hoofstuk 15: Gebruik van beelde Deel IV: Bou aan 'n sterker ensiklopedie Hoofstuk 16: Lei lesers na die regte artikel: Benaming, aansture en ondubbelsinnigheid Hoofstuk 17: Kategorisering van artikels Hoofstuk 18: Beter artikels: 'n Stelselmatige benadering Hoofstuk 19: Verwydering van bestaande artikels Deel V: Pas Wikipedia aan Hoofstuk 20: Wysig jou voorkeure Hoofstuk 21: Makliker redigering met JavaScript Deel VI: Bylae Bylaag A: 'n Toer van die Wikipedia-bladsy Bylaag B: 'n Lesersgids tot Wikipedia Bylaag C: Leer meer

Hierdie boek as wysigbare dokumentasie

Die eerste druk van die eerste uitgawe van die boek Wikipedia: Die Verlore Handleiding is nou (11 Februarie 2009) ook 'n stel wikibladsye in Wikipedia se naamruimte. Die inhoud is deur die uitgewer, O'Reilly Media/Pogue Press, en deur die outeur, John Broughton, onder Wikipedia se standaard "vrye inhoud"-lisensie vrygestel.

Ons glo sterk in die missie van Wikipedia en die Wikimedia-stigting: om kennis onder 'n vrye lisensie of in die publieke domein te versamel en te ontwikkel en om dit effektief en wêreldwyd te versprei. Hierdie missie word deur miljoene mense uitgevoer, mense wat in die verlede by Wikipedia en ander Wikimedia-projekte bygedra het of in die toekoms sal bydra. Hierdie boek kan hulle beter en meer produktiewe bydraers maak en ook potensiële bydraers aan die beginsel hoe om 'n goeie bydraer te wees voorstel.

Ons hoop dat die Wikipedia-gemeenskap besit oor hierdie bladsye sal neem en die materiaal sal opdateerom die veranderinge aan Wikipedia te weerspieël wat sedert hierdie boek se eerste druk in Januarie 2008 plaasgevind het. Die korrigering van onvermydelike foute wat in dié eerste weergawe voorgekom het, asook die verbetering van die inhoud, in welke mate Wikipedia-bydraers ook dink dit kosbaarder vir bydraers en potensiële bydraers sal maak.

-- Peter Meyers, besturende bydraer, The Missing Manuals (O'Reilly/Pogue Press)

-- John Broughton, outeur

Afrikaanse vertaling

Hierdie boek is 'n vertaling van Wikipedia: The Missing Manual.

Die Afrikaanse vertaling is meer doelgerig as brongerig, met ander woorde: dit is nie 'n woord-vir-woord vertaling van die Engelse bronteks nie, maar aangepas om op die Afrikaanse Wikipedia van toepassing te wees. Dus word beleide, gebruike en ander eienskappe van die Afrikaanse Wikipedia in ag geneem.

Sien die geskiedenisblad vir die betrokke vertaler van elke afdeling.

Moontlike vrae

Vraag: Wikipedia het reeds honderde bladsye dokumentasie. Hoekom is hierdie boek geskryf? (Of liewer, hoekom sal hierdie bladsye verbeter en opgedateer moet word, terwyl Wikipedia reeds oor goeie dokumentasie beskik?)

Antwoord: Hierdie boek is anders as die bestaande dokumentasie: dit bied stelselmatige voorligting vir mense wat die "kernkurrikulum" wil leer: daardie kritiese inligting wat nodig is om te keer dat mense die reëls oortree. Hierdie boek is georganiseer as 'n gestruktureerde proses vir diegene wat wil leer hoe om by te dra, met talle wenke en gereedskap wat bydra makliker maak. Hierdie boek karteer ook die weg van beginner tot kenner, met stap-vir-stap illustrasies vir elke onderwerp.

Vraag: Sê nou maar ek wil 'n aansienlike verandering aanbring; byvoorbeeld 'n hoofstuk byvoeg, of 'n hoofstuk in twee te deel?

Antwoord: Vir drastiese veranderings is dit belangrik dat u die saak eers op die relevante besprekingsblad bespreek (dié bladsye relevant tot die hoofstuk(ke) wat u wil verander) of op die hoofbesprekingsblad (Hulpbespreking:Wikipedia: Die Verlore Handleiding). (Laasgenoemde is vir gevalle waar u 'n nuwe hoofstuk wil byvoeg.) U moet nie aansienlike of drastiese veranderings aanbring, tensy daar ten minste 'n rowwe konsensus is om dit te doen nie.

Vraag: Hoe kry ek konsensus om aansienlike veranderings aan hierdie weergawe van die boek te maak?

Antwoord: Deur dit op die relevante besprekingsbladsye te bespreek, jou verandering voor te stel en die gemeenskap se terugvoering te kry.

Meer oor die outeur en die kreatiewe span

Die volgende is afkomstig van die afdeling "Missing Credits" uit die eerste druk van Wikipedia: The Missing Manual (Januarie 2008):

• John Broughton is reeds sedert Augustus 2005 'n geregistreede bydraer by die Engelse Wikipedia en het meer as 15 000 wysigings aangebring toe hy hierdie boek geskryf het. Sy grootste Wikipedia-onderneming was die Engelse Editor's index to Wikipedia: 'n indeks wat elke belangrike verwysingsbladsy op die Engelse Wikipedia lys, asook honderde ander webwerwe wat nuttige inligting en gereedskap vir Wikipedia-bydraers bevat.

• Nan Barber (redakteur) werk sedert die projek se aanvang met die Missing Manual-reeks. Sy woon in Massachusetts saam met haar man en haar G4 Macintosh.

• Dawn Frausto (redakteur) is assistentredekateur vir die Missing Manual-reeks. Wanneer sy nie werk nie, rotsklim sy, speel sokker en veroorsaak moeilikheid.

• Nellie McKesson (produksie redakteur) is 'n gegradueerde van St. John se Kollege in Santa Fe, Nieu-Mexico. Sy woon tans in Cambridge, MA, en haar gunsteling eetplekke is Punjabi Dhaba en Tacos Lupita.

• Sohaila Abdulali (redigeerder) is n' vryskutskryfster en redigeerder. Sy het reeds 'n roman, verskeie kinderboeke en talle kortverhale en artikels gepubliseer. Sy het onlangs 'n volksbeskrywing (etnografie) van 'n Indiese inboorlingvrou voltooi. Sy woon in New York Stad saam met haar man Tom en hule klein, dog groter as lewensgroot dogter, Samara.

• Jill Steinberg (redigeerder) is 'n vryskutskryfster en redigeerder wat in Seattle gebaseer is. Sy het al inhoud vir O'Reilly, Intel, Microsoft, en die Universiteiy van Washington geproduseer. Wanneer sy nie met woorde werk nie, woon Jill Italiaanse klasse by, oefen sy om vir die opera te sing of help sy stedelike parke.

• Daniel Mocsny (tegniese hersiener) het in April 2006 by die Engelse Wikipedia begin bydra. Hy dra as 'n gewone bydraer by en het met die ingang van laat-2007 die tweede hoogste wysigingstotaal by die Engelse Wikipedia se Hulpafdeling gehad. Hy is ook 'n administrateur by twee ander openbare wiki's en drie bedryfswiki's; in die werklikheid is hy betrokke in sagteware-ontwikkeling, dokumentasie en tegniese ondersteuning.

• Godmund Schick (tegniese hersiener) is 'n geesdriftige koffiedrinker wat nou en dan tyd spandeer aan bak, kwiltwerk, hardloop, lees en die ervaring van nuwe dinge.