Ierse Vrywilligersmonument

Die Ierse Vrywilligersmonument huldig die Iere wat tydens die Tweede Vryheidsoorlog aan Boerekant geveg het. Dit is op 1 November 1975 in Brixton, Johannesburg deur mev. Betsie Verwoerd onthul, maar dit het verval en is uiteindelik gesloop. Slegs vier pilare van die oorspronklike monument ontwerp deur Jan van Wyk kon gered word en is op 1 November 2002 in Orania heropgerig.

In September 1899 is op 'n vergadering van Iere in Johannesburg die Eerste Ierse Korps (ook bekend as die Wrekerskorps) van ongeveer 200 man onder kol. John Young Filmore Blake (ook bekend as Beau en Mielies), 'n Amerikaanse Ier, gevorm. 'n Tweede Ierse Korps van ongeveer 150 man onder kol. Arthur Lynch (1861–1934) is in Januarie 1900 gestig. Hierdie korpse het gou verval en enkele individue het by Boere-kommando's aangesluit. Blake en ander Iere het die guerrilla-oorlog tot vredesluiting voortgesit.

Bibliografie wysig

  • www.bronberger.co.za
  • www.dievryburger.co.za