Igor II van Kiëf
Igor II (Russies: Игорь II Олегович; ? – 19 September 1147) het in 1146 as grootprins oor Kiëf-Roes regeer. Hy was die seun van Oleg van Tsjernigof en die broer van sy voorganger, Wsewolod II.
| Igor II | |
|---|---|
| Grootprins van Kiëf | |
 | |
| Periode | 1146 |
| Voorganger | Wsewolod II |
| Opvolger | Isjaslaf II |
| Huis | Rjoerik |
| Vader | Oleg van Tsjernigof |
| Oorlede | 19 September 1147 |
| Feesdag | 5 Junie |
Hoewel Wsewolod twee seuns gehad het, het hy Igor as sy opvolger gekies en sy onderdane laat belowe hulle sal Igor as hul heerser aanvaar. Igor en sy familie was agter ongewild en daar was teenkanting teen sy troonopvolging. Hy was glo oneerlik, gierig, agterbaks en gewelddadig. Hy het minder as twee weke regeer toe die inwoners van Kiëf sy neef en teenstander Isjaslaf Mstislawitsj nooi om hul prins te wees. Isjaslaf het sy belofte verbreek om nooit die mag te probeer oorneem nie en het Igor en sy broer Swjatoslaf aangeval en verslaan.
Swjatoslaf het ontsnap, maar Igor is in ’n moeras vasgekeer, waar Isjaslaf hom gevange geneem en in ’n put laat gooi het. In 1146 was Igor ernstig siek en het hy toestemming gevra om vrygelaat te word om ’n monnik te kan word. Hy het toe ’n monnik onder die naam Ignati geword. In 1147 is hy dood toe ’n skare hom aangeval het weens ’n misverstand dat hy Isjaslaf se bewind wou oorneem. Hy is daarna heiligverklaar. Sy feesdag is 5 Junie.
Verwysings
wysig- Hierdie artikel is merendeels vertaal vanaf die Engelse Wikipedia-artikel en:Igor II of Kiev
Bron
wysig- Dimnik, Martin. The Dynasty of Chernigov, 1146–1246, 2003