Ilokano

Ilokano ; Iloko, Iluko, Pagsasao nga Ilokano
Uitspraak:	[iːloʊˈkɑːnoʊ]
Gepraat in:	Filippyne; Verenigde State
Gebied:	Suidoos-Asië
Totale sprekers:	7 miljoen
Taalfamilie:	Austronesies; Maleis-Polinesies; Filippyns; Noord-Luzon; Ilokano
Skrifstelsel:	Latynse alfabet; Baybayin-skrif (histories)
Amptelike status
Amptelike taal in:	Streektaal in die Filippyne
Gereguleer deur:	Komisyon sa Wikang Filipino
Taalkodes
ISO 639-1:	geen
ISO 639-2:	ilo
ISO 639-3:	ilo
	Nota: Hierdie bladsy kan IFA fonetiese simbole in Unicode bevat.

Ilokano (Iloko, Iluko of Pagsasao nga Ilokano; [iːloʊˈkɑːnoʊ]; letterlik: "van die baai") is na Tagalog (as Filippyns amptelike taal) en Cebuano die derde belangrikste taal van die Filippyne. Die taal word veral in die noordelike dele van die Filippyne gepraat, spesifiek op die eiland Luzon. Daarbenewens word Ilokano deur emigrante in die Verenigde State gepraat, veral in die deelstate Hawaii en Kalifornië.^[2] Dit is die derde belangrikste nie-Engelse taal van Hawaii na Japannees en Tagalog, sowat 15% van alle huishoudings gebruik Ilokano.^[3]

Onse Vader van *Doctrina Cristiana*, 1621. Geskryf in Ilokano met die Baybayin-skrif

Taalkundiges klassifiseer Ilokano as 'n Maleis-Polinesiese taal wat nou verwant aan sommige van die ander Austronesiese tale in Noord-Luzon is. Dit is ietwat minder verwant aan Indonesies en Maleis en het daarnaas nog 'n los verbintenis met Malgassies in Madagaskar.

Verwysings

↑ (en) "Ethnologue: Languages of the World, Seventeenth edition, Ilocano". Ethnologue. Besoek op 23 Oktober 2021.
↑ (en) Rubino, Carl (2005). "Chapter Eleven: Iloko". In Adelaar, Alexander (red.). The Austronesian Language of Asia and Madagascar. Himmelmann, Nikolaus P. Routledge. p. 326. ISBN 0-7007-1286-0.
↑ (en) "The Non-English Speaking Population in Hawaii" (PDF). State of Hawaii Department of Business, Economic Development & Tourism Research and Economic Analysis Division. p. 4. Geargiveer (PDF) vanaf die oorspronklike op 23 November 2018. Besoek op 13 Januarie 2018.