Ingermanland of Ingrië (Fins: Inkeri of Inkerinmaa, Russies: Ижора of Ингерманландия, Sweeds: Ingermanland, Esties: Ingeri of Ingerimaa) is 'n historiese landstreek in Rusland wat bestaan uit die suideroewer van die Newarivier, tussen die Golf van Finland, die Narwa-rivier en die Peipoesmeer in die weste, en Ladogameer en die westeroewer van die Wolchof-rivier in die ooste. Oorsponklik was die Newa-rivier die grens tussen Ingermanland en Karelië, maar sedert die laat 15de - vroeë 16de eeu het dit noord geskuif, nader aan die Kareliese landengte, en loop dit al langs die Sestra-rivier en dan ooswaarts na die Ladogameer.

Ingermanland en die Lutherse gemeentes in die Sint Petersburg-goebernija, omstreeks 1900.[1]

Histories is Ingermanland deur Finse volke bewoon: Ingriërs, Wote en later die Ingermanlandfinne en Este. Die Ortodokse Ingriërs en die Wote is die inheemse volke van die gebied. Nadat Swede dit oorwin het, het Ingermanlandfinnse, afstammelinge van 17de eeuse Lutherse immigrante uit die hedendaagse Finland, die meerderheid-bevolking geword. Die Russifikasie van die gebied was teen die 1930's byna voltooi en vandag is dit die noordwestelike anker van Rusland en die land se "venster" op die Oossee, met Sint Petersburg as middelpunt.

Vlag van die Ingermanlandfinne

Verwysings wysig

  1. Gegrond op Räikkönen, Erkki. Heimokirja. Helsinki: Otava, 1924.