Internasionale Kode van Dierkundige Benamings

Die Internasionale Kode van Dierkundige Benamings is ’n konvensie in dierkunde vir die wetenskaplike benaming van diere. Dit staan ook bekend as die ICZN-kode na aanleiding van die Engelse naam, International Code of Zoological Nomenclature en dié van die kommissie in beheer daarvan, die International Commission of Zoological Nomenclature.

Die reëls reguleer hoofsaaklik:

  • Hoe name korrek gegee word binne ’n gegewe raamwerk.
  • Watter name gebruik moet word indien daar botsings is.
  • Hoe wetenskaplike geskrifte name moet gebruik.

Dierkundige benamings is onafhanklik van ander benamingstelsels, soos dié wat plantname reguleer. Dit beteken ’n dier en ’n plant kan dieselfde naam hê.

Die kode is net bedoel om leiding te gee in die benaming van diere en laat dierkundiges toe om organismes in taksons te klassifiseer. Of ’n spesie dus ’n erkende entiteit is of nie is ’n subjektiewe besluit, terwyl die kode bepaal watter naam aanvaarbaar is daarvoor. ’n Nuwe dierenaam wat sonder inagneming van die kode gepubliseer word, kan bloot as "onbeskikbaar" beskou word as dit nie aan sekere kriteria voldoen nie of heeltemal buite die perke van wetenskap val (bv. die "wetenskaplike" naam van die Loch Ness-monster).

Die reëls van die kode bepaal watter name geldig is vir enige takson in die familie-, genus- en spesiegroep. Daar is bykomende (maar meer beperkte) reëls vir name in hoër range.

Die kode is beperk tot die huidige weergawe – vorige uitgawes en reëls geld dus nie meer vandag nie.[1] In die geval van ’n dispuut word die Franse kode geraadpleeg, en daarna kan die kommissie genader word, wat die reg het om ’n finale besluit te publiseer.[2]

Verwysings wysig

Eksterne skakels wysig