Irma Eloff

Irma Eloff is ‘n professor in Opvoedkundige Sielkunde by die Universiteit van Pretoria en ‘n ereprofessor by die Universiteit van Innsbruck (Oostenryk). Sy was die eerste vrouedekaan van Opvoedkunde by die Universiteit van Pretoria.

Lewe en werk

Irma Eloff (née Greeff) is in Port Elizabeth (tans Gqeberha) gebore as die oudste dogter van Servaas de Klerk Greeff en Anna Susanna (Ansie) du Plessis. Sy matrikuleer aan die Hoërskool Noordheuwel in Krugersdorp. Na matriek studeer sy aan die Potchefstroomse Universiteit vir Christelike Hoër Onderwys (PU vir CHO) waar sy ‘n BA-graad met Sielkunde en Engels as hoofvakke verwerf. Sy verhuis na Pretoria en voltooi ‘n Hoër Onderwysdiploma (HOD), ‘n B Ed Honneurs in Opvoedkundige sielkunde (Ortopedagogiek) (met lof) en ‘n M Ed in Opvoedkundige sielkunde (met lof) aan die Universiteit van Pretoria. Sy voltooi daarna ‘n doktorale studie^[1] (1997) aan die Universiteit van Stellenbosch. Irma voltooi ook later ‘n ‘Global Executive Development Programme’ (2009) by die GIBS besigheidskool.

Sy begin haar loopbaan in die akademie as onderwysassistent in die Departement Onderwysbestuur by die Universiteit van Pretoria. Sy dien ook in poste as navorsingsassistent in die dekaanskantoor, tutor, intern-opvoedkundige sielkundige, loopbaanvoorligter en deeltydse dosent. In 1998 word sy aangestel as voltyds-permanente lektor in die Departement Ortopedagogiek, waarna sy in 2002 as departementshoof van Opvoedkundige sielkunde, in 2005 as skoolvoorsitter van Opvoedkundige studies en in 2008 as dekaan van Opvoedkunde aangestel word.^[2]

Eerste vrouedekaan van Opvoedkunde by UP

Irma was die eerste vrouedekaan van Opvoedkunde by die Universiteit van Pretoria. Sy dien twee termyne^[3] (2008 – 2016), waarna sy terugkeer na 'n akademiese rol in Opvoedkundige sielkunde by UP.

Tydens haar dekaanskap behaal Opvoedkunde by UP gedurende verskeie jare plekke in die top 150 ter wêreld op die QS Scientific field world rankings. 'n Omvattende infrastruktuurontwikkeling^[4] op die Groenkloofkampus word ook van stapel gestuur.^[5] Dit sluit onder meer 'n hoëtegnologie-lesinglokaal, 'n buiteluglesinglokaal, opgradering van die Natuurwetenskappegebou, toeganklikheid van die Aldoelgebou, drie groot lesinglokale, en opgradering van die Normaalsaal in. 'n Nagraadse Navorsings ‘Commons’ word ook geopen. Tydens haar dekaanskap word die model vir onderwysersopleiding by die Universiteit van Pretoria ook hersien na 'n multifakulteit-opleidingsmodel wat die geïntegreerde vakkundige en pedagogiese kennis van toekomstige onderwysers prioritiseer. Verskeie internasionale netwerke word gevestig tussen die Fakulteit Opvoedkunde by UP, onder meer met die Universiteit van Alberta in Kanada,^[6] die Universiteit van Nebraska-Lincoln^[7] en Indiana Universiteit in die VSA.^[8]

Sy beklee ook akademiese posisies in die buiteland. In 2001 werk sy as 'n assistentbesoekendeprofessor in die Sielkunde departement van Yale-universiteit. In 2016 word sy genooi as besoekende professor na Fordham Universiteit^[9] (New York) se Fakulteit Opvoedkunde, en ook die Departement Opvoedkundige sielkunde by die Wisconsin-Milwaukee, waar die doktorale program ten tye van haar besoek as die vierde beste program in die VSA gelys is.^[10] Sy word ook telkemale (2017, 2018, 2019) genooi as besoekende professor na Bathspa Universiteit in Engeland waar onderwysersopleiding die hoogste moontlike Ofsted gradering (“Uitnemend”)^[11] geniet; en waar sy op verskeie platforms, soos die Drawings ProjectUK^[12] en die Somerskool van die Association of Commonwealth Universities (ACU) bydraes maak. In 2022 word sy aangestel as ereprofessor by die Universiteit van Innsbruck.^[13]

Suid-Afrikaanse Akademie vir Wetenskap en Kuns

Irma is die tweede vrou (na Elize Botha) wat verkies is as ondervoorsitter^[14] en later as voorsitter van die Raad van die Suid-Afrikaanse Akademie vir Wetenskap en Kuns^[15] in die meer as 100 jaar van die bestaan van die Akademie^[16]. Sy dien vir twaalf jaar (2008-2020) op die Raad van die Akademie en is aktief betrokke by die werksaamhede van die Onderwyskommissie. Sy beywer haar om die rol van Afrikaans in die wetenskap en die kunste te bevorder.^[17]

Toekennings

Die Förderkreis 1669 Wissenschafft Gesellschaft professorship van die Universiteit van Innsbruck 2018

Die HB en MJ Thom Prestige-toekenning^[18] vir die bevordering van Afrikaanse onderwys en opleiding van die FAK 2017

Die eremedalje van die Opvoedkunde Vereniging van Suid-Afrika^[19] (OVSA/EASA) 2015

Die International Prize for Excellence in HIV Research Related to Children^[20] van die International AIDS Society (IAS) en die Children Affected by AIDS, in Melbourne 2014

Die medalje vir Wetenskaplike Vakbevordering in Opvoedkunde van die Suid Afrikaanse Akademie vir Wetenskap en Kuns 2008

Die medalje vir Uitnemende Jong Navorser van die Opvoedkunde Vereniging van Suid-Afrika 2004

Netwerke

As stigter van die Dekane van Opvoedkunde forum in Afrika (African Deans of Education Forum, ADEF)^[21] bevorder sy die ontwikkeling van doktorale netwerke in opvoedkunde; in Afrika, Europa (EDiTE) en die globale konteks 11th Policy Dialogue Forum] - International Task Force on Teachers for Education 2030. Sy dien as Voorsitter van die Globale Netwerk van Dekane van Opvoedkunde (Global Network of Deans of Education). Sy dien ook op die Direksies van die Afrikaanse Onderwysnetwerk.^[22] (AON), TuksSport High school', en Prestige College^[23] Sy was een van die eerste vroue wat bygedra het in die ‘Womanity’-netwerk wat vroue-leierskap in Afrika bevorder.^[24] Uit hoofde van haar werk in die veld van kwaliteit-lewe studies (‘quality-of-life’) geniet sy Irma-Eloff erkenning van die Internasionale Vereniging van Kwaliteit-Lewe studies (ISQoL). Sedert 2022 dien sy op die Akkreditasiekomitee van die Raad van Hoër Onderwys Council on Higher Education (CHE) in Suid-Afrika, sowel as die werkgroep vir die ontwikkeling van Standaarde en Kapasiteit. In 2021 tree sy op by die Nobelprysdialoog oor die toekoms van werk.^[25]

Boeke

Agostini, E., Schratz, M. & Eloff, I. (in press). Vignette Research. Oxford: Bloomsbury Academic.
Will, L., Stadler, W. & Eloff, I. (Redakteurs). 2022. Authenticity across Languages and Cultures – Themes of Identity in Foreign Language Teaching & Learning. Bristol, UK: Multilingual Matters.

Van Eeden, E., Eloff, I., & Dippenaar, H. (Redakteurs). 2022. Community Engagement Research in South Africa - Methods, Theories, Histories and Practice. Pretoria; Van Schaiks Uitgewers. ISBN: 9780627037931

Eloff, I. (Redakteur). 2019. Handbook of Quality of Life in African societies. New York: Springer. [*ingesluit in die Verenigde Nasies se Akademiese Impakreeks, lees: ‘Africa is not broken - a tale of African innovations in food and well-being’)

Eloff, I. & Swart, E. (Redakteurs). 2018. Insigte uit Opvoedkundige Sielkunde. Kaapstad: Juta Uitgewers.

Eloff, I. & Swart, E. (Redakteurs). 2017. Understanding Educational Psychology. Kaapstad: Juta Uitgewers.

Ebersöhn, L. & Eloff, I. 2006. Life skills & Assets. (Tweede uitgawe). Pretoria: Van Schaiks Uitgewers. ISBN 0-627-02627-3.

Eloff, I. & Ebersöhn, L. (Redakteurs). 2004. Keys to Educational Psychology. Kaapstad: Juta/Universiteit van Kaapstad Uitgewers. ISBN 1-919713-44-1.

Ebersöhn, L. & Eloff, I. 2003. Life skills & Assets. Pretoria: Van Schaiks Uitgewers. ISBN 0-627-02532-3.

Verwysings

Bronne

Eloff, I. 2020. Educational psychology in Sub-Saharan Africa. In The Oxford Encyclopedia of Educational Psychology. Oxford University Press. pp. 407-419.

[1] ttp://scholar.sun.ac.za/handle/10019.1/55618

[2] ttps://edulibpretoria.wordpress.com/2008/02/21/university-of-pretoria-appoints-new-dean-of-education/

[3] ttps://www.up.ac.za/faculty-of-education/news/post_2294162-faculty-of-education-bids-farewell-to-prof-irma-eloff

[4] ttps://edulibpretoria.wordpress.com/2011/10/14/up-rector-opens-groenkloof-campus-infrastructure-development/

[5] ttps://www.up.ac.za/faculty-of-education/news/post_1594096-faculty-of-education-celebrates-the-completion-of-its-infrastructure-development

[6] ttps://illuminate.ualberta.ca/content/education-explores-new-partnerships-possibilities-upretoria

[7] ttps://newsroom.unl.edu/announce/todayatunl/2536/14040

[8] ttps://iunews.sitehost.iu.edu/iuglobal/africa/2013/08/27/a-big-day-in-pretoria/index.html

[9] ttps://gse.news.fordham.edu/blog/2016/11/15/gse-welcomes-irma-eloff-ph-d-from-university-of-pretoria/

[10] ttps://uwm.edu/news/uwm-school-psychology-doctoral-program-ranked-4th-nationally/

[11] ttps://www.bathspa.ac.uk/schools/education/teacher-education/

[12] ttps://drawingprojects.uk/index.php/community/15-community-events/81-girl-friday-breakfast-club-with-irma-eloff-on-friday-28-september

[13] ttps://www.uibk.ac.at/ils/mitarbeiter/eloff_/eloff.html

[14] ttps://www.up.ac.za/faculty-of-education/news/post_1951937-dean-of-education-elected-as-vice-chair-of-sa-akademie-vir-wetenskap-en-kuns

[15] ttps://www.up.ac.za/alumni/news/post_2581118-prof-irma-eloff-appointed-as-chairperson-of-the-suid-afrikaanse-akademie-vir-wetenskap-en-kuns

[16] ttps://news.nwu.ac.za/great-honour-nwu-alumna

[17] ttps://www.ofm.co.za/article/local-news/250577/irma-eloff-nuwe-voorsitter-van-sa-akademie

[18] "argiefkopie". Geargiveer vanaf die oorspronklike op 13 September 2022. Besoek op 13 September 2022.

[19] ttps://www.up.ac.za/faculty-of-education/news/post_2039645-dean-honoured-with-award-at-easa-conference

[20] ttps://www.up.ac.za/educational-psychology/news/post_2016373-up-yale-team-receives-international-award

[21] ttps://www.up.ac.za/faculty-of-education/news/post_1593098-africa-deans-of-education-forum-established-in-nairobi-kenya

[22] ttps://aonetwerk.co.za/aon-direkteure/

[23] "argiefkopie". Geargiveer vanaf die oorspronklike op 13 September 2022. Besoek op 13 September 2022.

[24] ttps://womanity.africa/2014/05/14/universities-prof-irma-eloff/

[25] ttps://www.nobelprize.org/events/nobel-prize-dialogue/pretoria-2021/panellists/irma-eloff/

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]