Irving Stone

Irving Stone (14 Julie 1903 – 26 Augustus 1989) was 'n Amerikaanse skrywer bekend vir sy biografiese romans van bekende historiese persoonlikhede.

Irving Stone
Gebore	14 Julie 1903 San Francisco, Kalifornië
Sterf	26 Augustus 1989 (op 86) Los Angeles, Kalifornië
Nasionaliteit	Verenigde State
Beroep	skrywer, dramaturg, draaiboekskrywer
Ouer(s)	Edward F. O'Connor Regina Cline

Biografie

Stone is gebore in San Francisco, in die VSA. In die 1960's, verkry Stone 'n eredoktorsgraad in Letterkunde van die Universiteit van Suidelike Kalifornië, sy alma mater waar hy vantevore 'n meestersgraad in die departement van letterkunde, kuns en die wetenskappe behaal het. Hy is getroud met Jean. Sy het talle van sy werk geredigeer. In hulle lang huwelik leef hulle hoofsaaklik in Los Angeles, Kalifornië. Hulle stig 'n liefdadigheidsorganisasie ter ondersteuning van talle liefdadigheidsake waarby hulle belang gehad het.

Werksmetode

Stone het verkies om primêre bronmateriaal te gebruik in sy navorsing, soos byvoorbeeld sy bestudering van die briewe wat Vincent van Gogh aan sy broer geskryf het. Soortgelyk is sy bronmateriaal vir 'Adversary in the House' waarskynlik ook die briewe wat Eugene Debs aan sy broer geskryf het. Hy het ook ter plaatse navorsing gedoen: hy het vir baie jare in Italië gewoon ter voorbereiding van sy werk oor Michelangelo.

As dit nie anders kon nie, het hy navorsing gedoen deur gebruik te maak van die navorsingsfasiliteite en deskundigheid in die persoon van Esther Euler, die hoofnavorsingsbibliotekaresse by die Universiteit van Kalifornië Los Angeles.

Bibliografie

Sommige van Stone se belangrike werke in sluit in:

• 'Lust for Life' - (1934) - gebaseer op die lewe van Vincent van Gogh.
• 'They Also Ran' - (1944, opdateerd 1966) - gebaseer op die kandidate wat die stryd om verkiesing tot die Amerikaanse presidentskap verloor het.
• 'Adversary in the House' - (1947) - gebaseer op die lewe van Eugene Debs en sy eggenoot, Kate, wie sosialisme teengestaan het.
• 'The Passionate Journey' - (1949) - gebaseer op die lewe van John Noble.
• 'Immortal Wife' - (1944) - gebaseer op die lewe van Jessie Benton Frémont.
• 'Love is Eternal' - (1954) - gebaseer op die huwelik van Abraham Lincoln en Mary Todd.
• 'Men to Match My Mountains' - gebaseer op die oopstelling van die Amerikaanse 'Wilde Weste'.
• 'The Agony and the Ecstasy' - (1961) - gebaseer op die lewe van Michelangelo.
• 'The Passions of the Mind' - (1971) - gebaseer op die lewe van Sigmund Freud.
• 'The Greek Treasure' - (1975) - gebaseer op die ontdekking van Troje deur Heinrich Schliemann.
• 'The Origin' - (1980) - gebaseer op die lewe van Charles Darwin.
• 'Depths of Glory' - (1985) - gebaseer op die lewe van Camille Pissarro.
• 'For the Defense' - gebaseer op die lewe van Clarence Darrow.
• 'Those Who Love' - gebaseer op die lewe van John Adams en Abigail Adams.
• 'Sailor on Horseback' - gebaseer op die lewe van Jack London.

Bron

• Verkort vanaf Irving Stone by die Engelse wikipedia.