Isabelle Faust
Isabelle Faust (gebore in 1972 in Esslingen, Duitsland) is 'n violis wat reeds talle pryse en toekennings verower het.
Biografie
wysigFaust het haar eerste vioollesse op die ouderdom van vyf jaar ontvang.[1] Dit was die gevolg van haar vader, wat toe 'n een-en-dertigjarige sekondêre skoolonderwyser was, se besluit het om die viool te leer.[1] Hy het haar saamgeneem. Haar vader se talent was egter nie besonders nie, maar sy peuter-dogter was in staat daartoe om die tegniese fondamente van vioolspel korrek aan te leer en teen 'n ongewoon jong ouderdom het sy 'n uitmuntende leerling geword. Kort daarna het haar broer ook lesse begin neem en toe Faust elf jaar oud was het hul ouers 'n gesinskwartet gestig waarvoor verskeie meesterklasse later gereël is saam met die voorste strykinstrumentspelers van die tyd.[1] Die vroeë begin was vir beide kinders die basis van hul musiekloopbane; Boris Faust het 'n professionele altvioolspeler geword.[1]
Faust het saam met Christoph Poppen en Dénes Zsigmondy opleiding ontvang. Nadat sy die Paganini-kompetisie gewen het was sy gretig om haar ondervinding te verbreed. Sy het gevolglik in 1996 na Parys getrek waar sy vir die volgende nege jaar sou woon.[2] Dit is in Frankryk waar haar eerste CD verskyn het, met musiek deur Bartok. Sy het lof ontvang as 'n interpreteerder van Fauré.[2] Faust het later berouvol genoem dat haar Franse eerste naam (Isabelle) waarskynlik skade aan haar loopbaan aangerig het aangesien baie Franse gedink het dat sy Frans was.[2] Sy het haar man ook in Frankryk ontmoet.[2]
Faust was in 2004 aangestel as professor van viool by die Berlynse Universiteit van die Kunste. Sy woon in Berlyn en is die moeder van 'n tienerseun. [1] Sy speel sedert 1996[1] op die "Doringrosie" Stradivariusviool uit 1704, wat op bruikleen van die Landesbank Baden-Württemberg is.[3] Sy het ook met Barokstyl-viole en strykstokke gespeel.[2]
Faust het as gassolis saam met die voorste orkeste gespeel. Bykomend tot die opnames gelys onder "Toekennings en pryse", het sy ook die werke van Beethoven, Dvořák, Schumann, Schubert, Brahms (insluitende die Vioolconcerto), Berg, Martinů, Jolivet en andere opgeneem. Sy is 'n voorstander van nuwe musiek en het die wêreldbuigings van die werke van o.a. Messiaen, Werner Egk en Jörg Widmann gegee.[3]
Toekennings en pryse
wysig- 1987: Internasionale Vioolkompetisie Leopold Mozart in Augsburg, (Augsburg), Eersteprys[4]
- 1990: Premio Quadrivio Kompetisie in (Rovigo, Italië), Eersteprys
- 1993: Paganini Kompetisie in Genoa, Italië, Eersteprys [5]
- 1994: Förderpreis des Landes Nordrhein-Westfalen für junge Künstlerinnen und Künstler
- 1997: Gramophone-toekenning vir "Jong Kunstenaar van die Jaar" vir haar eerste CD, die Sonate vir Soloviool en die Vioolsonate No. 1 van Béla Bartók op Harmonia Mundi[6]
- 2002: Cannes Klassieke Toekenning vir haar opname vir die ECM plate-etiket van die Concerto Funèbre van Karl Amadeus Hartmann
- 2010: Diapason d'Or de l'Année vir haar opname van die Sonates en Partitas vir solo viool van Johann Sebastian Bach vir Harmonia Mundi [7]
- 2012: Gramophone-toekenning vir Beste Kamerorkes-opname vir haar opname van die vioolsonates van Ludwig van Beethoven saam met die pianis Alexander Melnikof vir Harmonia Mundi[8]
- 2012: Echo Klassik-prys vir haar opname van die vioolsonates van Ludwig van Beethoven saam met die pianis Alexander Melnikof
- 2012: Diapason d'Or vir haar opname van die vioolsonates van Ludwig van Beethoven saam met die pianis Alexander Melnikof
- 2017: Gramophone-toekenning vir Beste Concerto Opname en Opname van die Jaar vir haar opname van die vioolconcertos van Wolfgang Amadeus Mozart saam met Il Giardino Armonico en Giovanni Antonini
Verwysings
wysig- ↑ 1,0 1,1 1,2 1,3 1,4 1,5 Christiane Tewinkel (interviewer); Isabelle Faust (interviewee) (9 Junie 2012). ""Wie erziehen Sie Ihre Geige, Frau Faust?"". Frankfurter Allgemeine Zeitung. Besoek op 24 Julie 2017.
Die Geigerin Isabelle Faust spricht über das Leben mit einer Stradivari, ihre Lehrer und die Arbeit an Alban Bergs Violinkonzert gemeinsam mit Claudio Abbado.
{{cite web}}:|author1=has generic name (hulp) - ↑ 2,0 2,1 2,2 2,3 2,4 Volker Hagedorn (29 November 2012). "Klänge für den Weltraum". Die Zeit (in Duits). Geargiveer vanaf die oorspronklike op 3 Maart 2020. Besoek op 24 Julie 2017.
- ↑ 3,0 3,1 "Arts Management Group". Artsmg.com (in Frans). Geargiveer vanaf die oorspronklike op 25 Julie 2016. Besoek op 15 Junie 2013.
- ↑ Preisträger 1987 Geargiveer 15 Januarie 2018 op Wayback Machine, Internationaler Violinwettbewerb Leopold Mozart
- ↑ "Home – Premiopaganini". Paganini.comune.genova.it. Besoek op 25 September 2017.
- ↑ "Isabelle Faust (violinist)". Gramophone.co.uk (in Engels). Geargiveer vanaf die oorspronklike op 24 Oktober 2012. Besoek op 15 Junie 2013.
- ↑ "Impresariat Simmenauer – Violin – Isabelle Faust – Biography". Impresariat-simmenauer.de (in Duits). Geargiveer vanaf die oorspronklike op 5 Augustus 2018. Besoek op 15 Junie 2013.
- ↑ "Gramophone Awards 2010 unveiled". Gramophone.co.uk (in Engels). 30 September 2010. Geargiveer vanaf die oorspronklike op 5 September 2019. Besoek op 15 Junie 2013.