Jamie Oliver
James Trevor "Jamie" Oliver, MBE (* 27 Mei 1975) is 'n Engelse meestersjef, restaurateur en mediapersoonlikheid wat internasionale bekendheid verwerf het met sy televisieprogramme oor kosmaak (waaronder The Naked Chef wat vanaf 1999 uitgesaai is, en Jamie Oliver's Food Revolution van 2010), 'n wye reeks kookboeke. In 2005 het hy 'n wêreldwye veldtog vir verbeterde kosmaakopleiding en gesonde skooletes gedoen.[1]
Jamie Oliver | |
|---|---|
.jpg) Jamie Oliver in 2014 | |
| Gebore | James Trevor Oliver 27 Mei 1975 |
| Nasionaliteit |  Brit |
| Beroep | Meestersjef, restaurateur en mediapersoonlikheid |
| Bekend vir | The Naked Chef, 1999 Jamie Oliver's Food Revolution, 2010 |
| Eggenoot | Juliette Norton (sedert 2000) |
| Kinders | 4 |
| Ouer(s) | Trevor en Sally Oliver |
| Webwerf | www.jamieoliver.com |
Lewe
wysig
Jamie Oliver is in die dorp Clavering in die Engelse graafskap Essex gebore en grootgemaak waar sy ouers, Trevor en Sally Oliver, sedert 1976 die restourant The Cricketers bedryf en hom vertroud gemaak het met die kuns van kosmaak.[2] In die restourant se kombuis het Jamie sy sakgeld verdien en kort voor lank dieselfde passie vir gesonde kos as sy ouers getoon.
Op die ouderdom van sestien het hy sy opleiding as kok by die spysenierskollege Westminster Catering College begin en daarna praktiese ervaring in Frankryk en in verskeie befaamde Engelse restourante opgedoen. Gedurende sy werk in een van dié eetplekke, die River Café in Fulham, Londen, het hy in 'n dokumentêre program verskyn en vervolgens bekendheid as aanbieder van die televisieprogram The Naked Chef verwerf waarin hy 'n eenvoudige manier van kosbereiding met basiese bestanddele verduidelik het.
In 2002 het Oliver in Londen 'n stigting, die Fifteen Foundation, in die lewe geroep wat met sy opleidingsprogramme benadeelde jeugdiges die kans gee om 'n loopbaan in die restourantbedryf te volg. Suksesvolle kandidate word in Oliver se restourant Fifteen opgelei. Die sukses van dié projek, wat in die televisieprogram Jamie's Kitchen gedokumenteer is, het Oliver aangespoor om die program in die hele Verenigde Koninkryk en in oorsese lande uit te brei.
In Junie 2003 het Oliver 'n MBE ontvang vir sy dienste in die gasvryheidsbedryf.[3]
As mediapersoonlikheid en sjef het hy 'n verskeidenheid kookboeke gepubliseer. Sy eie reeks kookware in samewerking met die Franse vervaardiger Tefal geloods en sy eie restourante geopen. In 2005 het Oliver 'n veldtog begin vir gesonde skooletes in die Verenigde Koninkryk en die Verenigde State beywer. As gevolg daarvan het die Britse regering ook belowe om die kwessie aan te spreek.
Die eerste Jamie's Italian-restaurant op die vasteland van Afrika open sy deure in 2016 in Melrose Arch, Johannesburg.[4]
Persoonlik lewe
wysigIn Julie 2000 het Oliver getrou met Juliette Norton.[5] Hulle het vyf kinders: Poppy Honey Rosie (gebore Maart 2002), Daisy Boo Pamela (gebore April 2003), Petal Blossom Rainbow (gebore April 2009), Buddy Bear Maurice (gebore September 2010) and River Rocket Blue Dallas (gebore Augustus 2016).[6]
Kookboeke
wysigJamie Oliver het 'n aantal kookboeke geskryf:
- Jamie's America
- Jamie's ministry of food
- Jamie At Home
- Cook With Jamie
- Jamie's Little Book Of Big Treats
- Jamie's Italy
- Jamie's Dinners
- Jamie's Kitchen
- The Naked Chef
- Happy Days with the Naked Chef
- Return of the Naked Chef
- Jamie in 30 minutes
- Jamie in 15 minutes
- Save with Jamie
- Jamie's Comfort Food
Verwysings
wysig- ↑ www.biography.com: Jamie Oliver. Besoek op 20 Desember 2015
- ↑ "The Cricketers, Clavering: About us. Besoek op 20 Desember 2015". Geargiveer vanaf die oorspronklike op 12 Desember 2015. Besoek op 20 Desember 2015.
- ↑ "Oliver's pukka life as chef". BBC News. 13 Junie 2003. Besoek op 11 Januarie 2011.
TV chef Jamie Oliver has been honoured with an MBE for his services to the hospitality industry
- ↑ www.melrosearch.com: Jamie's Italian Restaurant coming to South Africa. Besoek op 30 Maart 2016
- ↑ Dish of the day, The Guardian, 14 April 2002.
- ↑ https://www.hellomagazine.com/healthandbeauty/mother-and-baby/2017080841347/jamie-oliver-jools-son-birthday-fans-confused/
Eksterne skakels
wysig| Wikimedia Commons bevat media in verband met Jamie Oliver. |
| Wikiquote het aanhalings in verband met Jamie Oliver |
- (en) Jamie Oliver se webtuiste
- (en) Jamie Oliver by die Internet-rolprentdatabasis
Verdere leesstof
wysig- Stafford Hildred, Jamie Oliver: The Biography (2001) ISBN 1-903402-55-7
- Gilly Smith, Jamie Oliver: Turning Up the Heat (2006) ISBN 0-233-00168-9
- Gilly Smith, Jamie Oliver: The Kitchen Crusader (2006) ISBN 978-1-86200-414-6