Jana Cilliers

Jana Cilliers (1950-) is 'n bekroonde Afrikaanse verhoog-, TV- en rolprentaktrise. As rolprentaktrise is sy bekend vir haar spel in Plekkie in die son (1979) en sy word onthou vir die TV-reekse Arende (1992) en Fees van die ongenooides (2008).

Jana Cilliers
Geboorte	1950
Nasionaliteit	Suid-Afrika
Beroep(e)	Aktrise
Internet-rolprentdatabasis-profiel

Cilliers is in 1950 gebore. Haar moeder was die bekende skilder Bettie Cilliers-Barnard. Haar eerste huwelik was met die bekende akteur, rolprentregisseur en draaiboekskrywer Regardt van den Bergh in die tagtigerjare. Twee dogters, Lika en Leán, is uit die huwelik gebore. Sy is later met die akteur Bill Flynn getroud, wat in 2007 oorlede is.

Sy het nagraads aan die Royal Academy of Dramatic Art (RADA) in Londen gestudeer en is ewe tuis in Afrikaans en Engels. Reza de Wet het spesiaal vir haar die rol van Yelana geskryf. Onder regie van Mario Schiess en ná hom Mark Graham, het sy twee keer Esther Vilar se Pous Johanna II gespeel. Sy is ook dikwels in produksies van Marthinus Basson te sien, onder andere as Ariël in Shakespeare se Die storm (verwerk deur Tjaart Potgieter).

Filmografie

Enkele van die rolprente en TV-reekse waarin sy verskyn het:

• Die Boekklub (TV-reeks), 2016
• Fees van die ongenooides / Feast of the Uninvited (TV-reeks), 2008
• The Good Fascist as Suzannah Leal, 1992
• ’n Pot vol winter as Die Vrou, 1992
• Screen Two (TV-reeks) as Stella, 1989
• Quest for Love as Alex, 1988
• Niemand weint für immer as Joanna Collins, 1984
• Boetie Gaan Border Toe!, 1984 as Dosent
• Blink Stefaans as Linda, 1981
• Game for Vultures as Ruth Swansey, 1979
• Plekkie in die son as Karen Viljoen, 1979

Eksterne skakels

• Jana Cilliers in die Internet-rolprentdatabasis