Blink Stefaans

Blink Stefaans is 'n Afrikaanse rolprent wat in 1981 vrygestel is. Die regisseur was Jans Rautenbach. Die twee hoofkarakters, Fanus en Blink Stefaans, is deur Regardt van den Bergh vertolk.

Blink Stefaans
Regisseur	Jans Rautenbach
Draaiboek	Jans Rautenbach
Met	Regardt van den Bergh Zoli Marki Jana Cilliers
Kinematografie	Paul Marais
Uitgereik	1981
Speeltyd	95 minute
Land	Suid-Afrika
Taal	Afrikaans
IMDb-profiel

Op 4 September 2011 maak Rapport geskiedenis deur die rolprent gratis saam met die koerant te versprei. Dit is die eerste keer in Suid-Afrika dat 'n buigsame DVD by 'n koerant ingevoeg word. So 'n buigsame DVD kan in enige nuwe generasie DVD-speler gespeel word.

Genre

Die rolprent is 'n ligte romantiese komedie en goeie gesinsvermaak. Dit het geen ouderdomsperk nie.

Hoofrolspelers

• Regardt van den Bergh as Fanus en Blink Stefaans (sy hanerige alter ego).
• Zoli Marki as Chrissie
• Jana Cilliers as Linda
• George Ballot‎
• At Botha
• Dana Niehaus

en andere.

Storielyn

Fanus is 'n vaal klankingenieur wat nooit deur enigiemand raakgesien word nie, veral nie deur sy baas se mooi, maar temperamentele dogter, Linda nie. Maar dit verander met die aankoms van Blink Stefaans, wat baie raad het vir Fanus - van hoe om hom te laat geld, tot hoe om aan te trek. Skielik kry Fanus 'n winsgewende werk as filmmaker, en maak vriende met die filmmaker se assistente, Chrissie. Hierdie keer ignoreer hy Blink Stefaans en smeek Linda, op wie hy nog steeds verlief is, om die ster van sy nuwe Aspoestertjie advertensie te wees. Die veldtog misluk egter, Fanus is sy werk kwyt, en Chrissie vlug met 'n gebroke hart Kaap toe. Blink Stefaans het hom ook verlaat. Sal Fanus ooit weer sy gelukkige lewe terugkry, of bestaan sulke goed net in feëverhale?

Sien ook

• Lys van Afrikaanse rolprente