Maak hoofkeuseskerm oop

At Botha

Suid-Afrikaanse akteur en skilder

At Botha (gebore 23 Desember 1949) is 'n Suid-Afrikaanse akteur en skilder. Hy is veral bekend vir sy rolle in die Afrikaanse TV-dramas soos Vyfster (1984) en Dryfsand (2006).[1]

At Botha
Geboorte 23 Desember 1949 (1949-12-23) (69 jaar oud)
Kroonstad
Nasionaliteit Suid-Afrika
Beroep(e) Akteur, skilder
Rolprente Stander
Webwerf www.atbothagallery.co.za
Internet-rolprentdatabasis-profiel

Hy was met die aktrise Annalise Bosch getroud. Hulle seun, Pieter Bosch-Botha, was ook 'n akteur, regisseur en vervaardiger.

LeweWysig

Botha is op Kroonstad in die Vrystaat gebore as die seun van ’n onderwyser en het as kind op verskeie dorpe gewoon.[2] Hy het aan die Hoërskool Menlopark in Pretoria gematrikuleer en sy dramastudie aan die Universiteit van Potchefstroom voltooi. Hy was ’n akteur by Sukovs en Truk, waar hy in opvoerings van Die Drie Susters, Twaalfde Nag en Charley se Tante opgetree het. Hy het geleidelik vir sy rolprent- en TV-werk bekend geraak, insluitende die rolprent Stander en die TV-dramareekse Vyfster (1984), Egoli, Dryfsand (2007) en Erfsondes (2008).

Hy skilder die grootste deel van sy lewe, hoewel hy geen formele opleiding gehad het nie. Hy het in latere jare sukses begin behaal met onder meer landskappe, oes- en seetonele.

FilmografieWysig


VerwysingsWysig

  1. Profiel op TVSA, besoek op 4 November 2012
  2. At Botha by ESAT